रमित ओली, हसुलिया- कैलालीको कैलारी गाउँपालिका–५ निवासी तथा नेपाली सेनामा कार्यरत स्वर्गीय हिरण्ड बोहरा को निधनपछि उनका परिवार गम्भीर आर्थिक संकटमा परेका छन्। परिवारको दैनिकी नै प्रभावित हुने गरी गाँस, बास र कपासको समेत अभाव भएको खबर सार्वजनिक भएपछि उनका ब्याजी तथा देश–विदेशमा रहेका सहकर्मीहरू सहयोगका लागि अघि सरेका छन्।
ज्वाला दल गणका सि.स. २” मा कार्यरत सैनिक परिवारको पहलमा संकलन गरिएको एक लाख ६४ हजार ८३४ रुपैयाँ आर्थिक सहयोग स्वर्गीय बोहराकी श्रीमतीलाई हस्तान्तरण गरिएको हो।
जसमा नगद २० हजार , १५ हजार रुपैयाँ बराबरको खाद्य सामग्री तथा स्टेशनरी, र बाँकी १ लाख २९ हजार ६३९ रुपैयाँ स्वर्गीय बोहराका नाबालक सन्तानको नाममा बैंक खाता खोली जम्मा गरिएको जनाइएको छ।
निशुल्क शिक्षाको जिम्मेवारी
साथै, उक्त परिवारका एक बालकलाई बोन्ड स्कुल बोर्डिङ स्कुल, पबेरा का प्रधानाध्यापक तिलक बोहरा ले कक्षा १० सम्म निःशुल्क अध्ययन गराउने जिम्मेवारी लिएको जानकारी दिइएको छ।
मानवीय उदाहरण
सहकर्मी सैनिकहरूको यो सहयोगले संकटमा परेका परिवारलाई ठूलो राहत पुगेको छ। पीडामा साथ दिने यो मानवीय कदमले समाजमा सहकार्य र सहानुभूतिको सन्देश दिएको छ।
Advertisement
