काठमाडौं: नेकपा (एमाले)को ११औं राष्ट्रिय महाधिवेशन नजिकिँदै गर्दा पार्टीभित्र नयाँ पुस्तालाई नेतृत्वमा उकास्ने वातावरण बनेको छ । यस्तै परिवेशमा सुदूरपश्चिम, बझाङका युवा नेता लोकेन्द्र बहादुर सिंह (एलबी) केन्द्रीय सदस्यका बलियो दाबेदारका रूपमा उदाएका छन् । अनेरास्ववियुबाट राजनीतिक यात्रा प्रारम्भ गरेका सिंहले संगठन, संघर्ष र जनसम्पर्कमा गरेको दीर्घ योगदानका आधारमा आफू केन्द्रीय नेतृत्वमा अट्ने दाबी गरेका हुन् ।
नेकपा (एमाले)ले यसपटक २५१ सदस्यीय केन्द्रीय कमिटीमा ४० वर्षमुनिका युवालाई ठूलो संख्यामा समेट्ने नीतिगत तयारी गरेसँगै धेरै युवा आकांक्षीहरू उदाएका छन्। यिनैमध्ये संगठन बनाउन र जनताको प्रश्नमा अविचल उभिन सक्ने क्षमताका कारण एलबी चर्चाको केन्द्रमा छन् ।
स्थानीय भूगोलमै बसेर राजनीतिक गतिविधि सञ्चालन गर्दै आएका सिंह निर्धा, बेसहारा तथा श्रमजीवी नागरिकका आवाजका रूपमा चिनिन्छन् । उच्च नैतिकता, संगठन–निर्माण क्षमता र नेतृत्वप्रति निष्ठाका कारण उनलाई ‘पार्टीका लागि भरोसामन्द पिल्लर’ को रूपमा समेत हेरिँदै आएको छ। व्यक्तिगत इमानदारी, सरल व्यवहार र कार्यकर्ताप्रति समर्पणले उनी जनतामा समेत लोकप्रिय छन् ।
को हुन् लोकेन्द्र बहादुर सिंह (एलबी)? – एक सुदृढ राजनीतिक यात्राको दस्तावेज
२०५७ – अनेरास्ववियु प्रारम्भिक कमिटी अध्यक्ष
२०६० – नेकपा (एमाले)को संगठित सदस्यता प्राप्त
२०६१ – पुनः अनेरास्ववियु प्रारम्भिक कमिटी अध्यक्ष
२०६२ – जयपृथ्वी बहुमुखी क्याम्पस, बझाङ स्ववियु सचिव
२०६२–२०६५ – अनेरास्ववियु बझाङ जिल्ला अध्यक्ष
२०६६ – सेती अञ्चल सह–संयोजक
२०६७ – त्रिभुवन विश्वविद्यालय अखिल फोर्स इन्चार्ज
२०६८ – अनेरास्ववियु केन्द्रीय कमिटी सदस्य
२०७० – अनेरास्ववियु केन्द्रीय लेखा आयोग सदस्य
२०७२ – अनेरास्ववियु केन्द्रीय सचिवालय सदस्य तथा सुदूरपश्चिम इन्चार्ज
२०७६ – अनेरास्ववियु स्थायी कमिटी सदस्य
२०७८ – अनेरास्ववियु केन्द्रीय कमिटी सचिव तथा सम्पर्क विभाग प्रमुख
२०७८ – नेकपा (एमाले) जिल्ला कमिटी सचिवालय सदस्य, खप्तडछान्ना गाउँपालिका उत्प्रेरक
२०७९ – जिल्ला कमिटी सचिवालय सदस्य तथा खप्तडछान्ना गाउँपालिका इन्चार्ज
२०७९ – खप्तडछान्ना गाउँपालिका अध्यक्ष पदका उम्मेदवार
२०८० – भूमि अधिकार तथा श्रमिक संगठन नेपाल, प्रदेश अध्यक्ष
२०८१ – नेकपा (एमाले) बझाङ जिल्ला सचिवका उम्मेदवार
२०८२ – भूमि अधिकार तथा श्रमिक संगठन नेपाल, केन्द्रीय कमिटी उप–महासचिव
हाल – ११औं महाधिवेशन प्रतिनिधि तथा केन्द्रीय सदस्यका उम्मेदवार
युवा नेतृत्वलाई शक्तिशाली रूपमा अगाडि ल्याउने दलको लक्ष्य र संगठन निर्माणमा एलबीको भूमिकाले महाधिवेशनमा उनको दाबी अझ बलियो भएको विश्लेषण गरिन्छ । बझाङदेखि केन्द्रसम्म सतत सक्रिय रहेका लोकेन्द्र बहादुर सिंह नयाँ पुस्ताको प्रतिनिधि मात्र नभई संगठनिक क्षमता, समर्पण र जनभावनालाई नेतृत्वमा रूपान्तरण गर्न सक्षम व्यक्तित्वको रूपमा उभिएका छन् ।
