बझाङ क्षेत्र नं- २ मा इलाका प्रशासन कार्यालय कहाँ स्थापना गर्ने भन्ने विषय दिनप्रतिदिन विवादित, देउराबासीद्वारा ५ दिनभित्र समाधानको माग
बझाङ- बझाङको क्षेत्र नं–२ मा स्थापना गरिने भनिएको इलाका प्रशासन कार्यालय स्थापनाका लागि स्थान चयनको विषयलाई लिएर विवाद चर्किदै गएको छ। झोता, देउरा र बागथलाका स्थानीयबासीले आफ्नै बस्तीमा कार्यालय हुनुपर्ने भन्दै छुट्टाछुट्टै माग राखिरहेकाले विषय झनै जटिल बन्दै गएको हो।
सरकारले इप्रका स्थापना प्रक्रियालाई अघि बढाएपछि झोता र देउराबासीले कार्यालय आफ्नै क्षेत्रमा स्थापना गर्नुपर्ने माग गर्दै विभिन्न संघर्ष कार्यक्रम समेत सञ्चालन गरेका थिए। उनीहरूले जिल्ला प्रशासन कार्यालयमा ज्ञापनपत्र पनि बुझाइसकेका छन्। तर अहिलेसम्म कार्यालय कहाँ स्थापना गर्ने भन्नेमा कुनै टुंगो लाग्न सकेको छैन।
यसैबीच, मंसिर १२ गतेदेखि बागथलाबासीले कार्यालय बागथलामै स्थापना गर्नुपर्ने मागसहित एक घण्टासम्म सडक अवरुद्ध गर्दै प्रदर्शन गरेका छन्। एउटै कार्यालयका लागि तीन ठाउँबाट माग उठेपछि विवाद थप चर्किएको छ।
यही विषयम...





