काठमाडौँ– राष्ट्रिय परीक्षा बोर्डले कक्षा १० को माध्यमिक शिक्षा परीक्षा (एसईई) २०८१ को नतिजा सार्वजनिक गरेको छ।
शुक्रबार साँझ बसेको बोर्ड बैठकपछि नतिजा सार्वजनिक गरिएको हो। सार्वजनिक नतिजाअनुसार ६१.८१ प्रतिशत विद्यार्थी ग्रेड प्राप्त गर्न सफल भएका छन्।
एसईई परीक्षा गत चैत ७ गतेदेखि सञ्चालन भएको थियो।
यस वर्षको परीक्षामा नियमिततर्फ ४ लाख ३१ हजार ४६६ विद्यार्थी सहभागी भएका थिए भने ग्रेड वृद्धि परीक्षातर्फ ६७ हजार ७१५ जनाले परीक्षा दिएका थिए।
दुवै समूहलाई समेट्दा जम्मा परीक्षार्थी संख्या ४ लाख ९९ हजार १८३ रहेको बोर्डले जनाएको छ।
परीक्षाको नतिजासम्बन्धी विवरण एसएमएस, आइभिआर र विभिन्न वेबसाइटबाट हेर्न सकिने व्यवस्था गरिएको छ।
