काठमाडौँ— सिङ्गो पृथ्वी र मानव स्वास्थ्यका लागि योग’ नारासहित आज अन्तर्राष्ट्रिय योग दिवस नेपालमा पनि विभिन्न कार्यक्रममार्फत मनाइँदैछ।
संयुक्त राष्ट्र सङ्घले सन् २०१४ मा निर्णय गरेअनुसार सन् २०१५ देखि हरेक वर्ष जुन २१ मा योग दिवस मनाउने गरिन्छ। उक्त प्रस्ताव भारतीय प्रधानमन्त्री नरेन्द्र मोदीले राखेका थिए, जसलाई नेपालका तत्कालीन प्रधानमन्त्री सुशील कोइरालालगायत १७७ देशले समर्थन गरेका थिए।
नेपालमा भने सूर्य उत्तरायण सुरु हुने माघ १ गते राष्ट्रिय योग दिवसका रूपमा मनाइन्छ। २०७२ साउन २८ मा मन्त्रिपरिषद्को निर्णयले माघ १ लाई राष्ट्रिय योग दिवस घोषणा गरिएको हो।
