धनगढी- कैलालीमा मोटरसाइकल आपसमा ठोक्किँदा एक जनाको मृत्यु भएको छ ।जिल्लाको धनगढी उपमहानगरपालिका-१४ स्याउले बजारमा मोटरसाइकल आपसमा ठोक्किँदा कैलारी गाउँपालिका-६ का ४० वर्षीय रुपलाल चौधरीको मृत्यु भएको हो ।
दुर्घटनामा परि घाइते भएका चौधरीलाई उपचारका लागि सेती प्रादेशिक अस्पताल धनगढी लगिएको भएपनि चिकित्सकले मृत घोषणा गरेको प्रहरीले जनाएको छ। से २ प ३५९० नम्बरको मोटरसाइकल र सुदूरपश्चिम प्रदेश ०१-००१ प १४१९ नम्बरको मोटरसाइकल आपसमा ठोक्किदा दुर्घटना भएको जिल्ला प्रहरी कार्यालय कैलालीले जनाएको छ।
उक्त दुर्घटनामा २ जना भाइते भएका छन्। घाइते हुनेमा मोटरसाइकल चालक धनगढी उपमहानगरपालिका-७ पटेला बस्ने ३४ वर्षीय पञ्चराम चौधरी र मोटरसाइकल पछाडी सवार उनकी श्रीमती ३० वर्षीया हसिना चौधरी रहेका छन्।
घाइते दुबै जनाको नोभा असपताल धनगढी कैलालीमा उपचार भईरहेको जनाएको छ। सोही स्थनमा से २ प ७७४९ नम्बरको मोटरसाइकल समेत पल्टिएको अबस्थामा फेला परेको हुँदा मोटरसाइकल चालक धनगढी उपमहानगरपालिका-६ जाली बस्ने ४० वर्षीय चेतराज भण्डारीलाई समेत प्रहरीले नियन्त्रणमा लिई थप अनुसन्धान भईरहेको जनाएको छ।
