धनगढी- काठमाडौंमा स्कूल हेल्थ नर्सहरूलाई “किशोर स्वास्थ्य र महिनावारी” सम्बन्धी ३ दिने प्रशिक्षक तालिम सम्पन्न भएको छ ।
पाँचौँ समूहको कार्यक्रम राष्ट्रिय स्वास्थ्य तालिम केन्द्र , टेकु काठमाडौं मा भव्य रूपमा सम्पन्न भएको हो । हियर नेपालको आर्थिक सहयोग तथा बागमती प्रदेश स्वास्थ्य तालिम केन्द्र संगको सहकार्यमा आयोजित तालिममा बुढानिलकण्ठ ,गोकर्ण , चन्दागिरी र कागेश्वरी मनहरा नगरपालिकाका विद्यालयमा कार्यरत स्कूल नर्सहरू सहभागी भएका थिए ।
तालिमको उद्घाटन समारोहमा बागमती प्रदेश स्वास्थ्य निर्देशनालयका निर्देशक डा. नरेंद्र कुमार झा प्रमुख अतिथिका रूपमा उपस्थिती थियो । उहाँले तालिमलाई प्रभावकारी बनाउन महत्त्वपूर्ण निर्देशन तथा सुझाव प्रदान गरे। उनलेे किशोर स्वास्थ्य प्रवर्द्धन र महिनावारी व्यवस्थापन शिक्षाका लागि स्कूल नर्सहरूको भूमिकालाई सशक्त बनाउनु आवश्यक रहेको बताए।
तालिमका प्रशिक्षक कुञ्जप्रसाद जोशी र कृष्णबहादुर चन्द ले किशोर स्वास्थ्य, शिक्षण विधि र पुनरुत्थानमुखी स्वास्थ्य शिक्षा जस्ता विषयमा महत्वपूर्ण जानकारी प्रदान गरे।
कार्यक्रममा सहभागी स्कूल नर्सहरूले आफ्नो अनुभव बाँड्दै, भविष्यमा स्कूल नर्सको रूपमा कसरी कार्य गर्ने भन्ने विषयमा आफ्ना विचार प्रस्तुत गरे। उनीहरूले यस्तो तालिमले आफ्नो व्यावसायिक तथा व्यक्तिगत विकासमा ठूलो योगदान पुर्याउने बताए।
तालिमको उद्घाटन सत्रमा हियर नेपाल का अध्यक्ष माधव जोशी ले स्कूल नर्स कार्यक्रम किशोर स्वास्थ्य र महिनावारी व्यवस्थापन शिक्षालाई प्रभावकारी रूपमा प्रवर्द्धन गर्ने उत्कृष्ट माध्यम भएको उल्लेख गरे। उनले किशोर-किशोरीलाई उचित स्वास्थ्य शिक्षा प्रदान गर्न स्कूल नर्सहरूको भूमिका अझ महत्वपूर्ण हुने बताए। अन्तमा, यो तीन दिने तालिम सफल, सुखद, र उपलब्धिमूलक रहोस् भन्ने शुभकामना व्यक्त गर्नुभयो।
यस तालिमको उद्देश्य स्कूल नर्सहरूलाई किशोर स्वास्थ्य तथा महिनावारी व्यवस्थापनसम्बन्धी दक्ष बनाउनु हो। यो कार्यक्रम ८ समूह मा सञ्चालन गरिँदै छ, जसअन्तर्गत २ सय जना स्कूल नर्सहरूलाई प्रशिक्षण दिने लक्ष्य राखिएको छ।
पाँचौँ समूहको तालिम सुरु भएसँगै, हामीहरू आशावादी छन् कि यसले,नेपालभर किशोर स्वास्थ्य, लैंगिक समानता, तथा महिनावारी व्यवस्थापन सम्बन्धि सकारात्मक पभाव पार्ने छ ।
