बझाङ : बझाङ जिल्लाकाे बुङगल नगरपालिकाका स्थानीयले मेयरलाई बुङगल नगरपालिका छाड्न चेतावनी दिएको हाे । आज एक कार्यक्रमका बिच नारा लगाउदै स्थानीय सरकार बुङगलका मेयरलाई राजिनामा दिन चेतावनी दिएको स्थानीय रामचन्द्र जाेशीले बताए ।
बुङगल नगरपालिका मेयर जयबहादुर धामीले स्थानीयलाई जागिर लगाई दिने भन्दै कामना टेलिभिजनले न्युज प्रशारण गरेपछि स्थानीय सर्वसाधारण राजनैतिक दलका नेता कार्यक्रताहरुले नगरपालिका परिसरमा बुङगल नगरपालिकामा भ्रष्टाचार भएको भन्दै र मेयर अडियो काण्ड बारे आज नाराजुलुस सहित नगरपालिका घेराउ गरेका थिए ।
नारावाजी गर्दै स्थानीय सँगसँगै नेकपा एमाले र विप्लव समुहको सयुक्त आयाेजनामा बुङगलका सर्वसाधारणले नगरपालिका घेराउ सहित नारा लगाएका थिए । नारामा “ए चाेर बुङगल छाेड, जनता लुट्न पाईदैन यस्तो मेयर हामीलाई चाहिदैन । तुरुन्तै राजिनामा देउ भ्रष्टाचार गर्न पाईदैन” जस्ता थिए ।
मेयर जयबहादुर धामीकाे अडियो काण्ड केहिदिन अघि कामना टेलिभिजनले सार्वजनिक गरेको थियो । जसमा पैशा खाएर जागिर लगाईदिने मिलेमतो गरेको प्रष्ट सुनिएको थियो । जागिर लगाउने प्रलोभन देखाउदै २ लाख मेयर र नगरपालिकाकै करार कर्मचारी सुना कार्किको मिलेमतोमा पैसा झ्याम पारेको देखिन्छ । यता निष्पक्ष परिक्षा भए पछि अर्को मान्छे निस्केको थिए । पैशा दिएको मान्छेकाे नाम सिफारिस नभए पछि अडियो काण्ड बाहिरी आएको हाे । यति मात्र हैन बुङगलमा धेरै याेजनामा पनि भ्रष्टाचार भएको आराेप मेयरले खेप्नु परेको छ ।
नगरपालिकामा भ्रष्टाचार बढ्दै गएकाे भन्दै, चेतावनी साथ नेकपा एमाले,नेकपा माअाेवादी नेपाल कम्युनिस्ट पार्टी विप्लव,नेकपा एकीकृत समाजवादी सहितका दलहरुले सयुक्त विज्ञाप्ती निकालेको छ ।
हेर्नुहोस् भिडियो
