१० भदौ धनगढी – साहित्यकार मोतीराम भट्टको १५९ औं जन्मजयन्तीको अवसर पारेर जापानका विभिन्न सहरमा गजल साँझ हुने भएको छ । अनेसास जापानको आयोजनामा हुने गजल साँझमा युवा गजलकार प्रदीप रोदनले प्रस्तुति दिने भएका छन् ।
अगस्ट ३१ बाट राजधानी टोकियोको ओकोबूस्थित आरएस आर्ट कोर्ट हाउसबाट गजल साँझको सुरुवात हुनेछ । सेप्टेम्बर ४ मा ओसाकास्थित जिग्री दोहोरी साँझ र सेप्टेम्बर ८ मा नागोया फुसिमीस्थित दैलो रेस्टुरेन्टमा साँझमा कार्यक्रम हुने अनेसास जापानका अध्यक्ष अरुण पौडेलले जानकारी दिए ।
नेपालीहरुबीच आत्मीयताको साँझको रूपमा साहित्यिक मनहरुलाई जोड्न कोसेढुंगा साबित हुने आयोजकको विश्वास छ ।
युवापुस्तामाझ निकै लोकप्रिय गजलकार प्रदीप रोदन सामाजिक, राजनीतिक विकृतिदेखि प्रेम-विछोडका विषयलाई गजल मार्फत प्रस्तुत गर्छन् ।
