मिति २०८१ श्रावण ६ गते गौरीगंगा नगरपालिका वडा नं ८ बडैपुर स्थित मोरल नेप्लिज ईङ्लिस बोर्डिङ स्कुलमा सञ्चालित श्री मोरल नेप्लिज स्काउट ट्रुपको आयोजनामा “गुरुपूर्णिमा विशेष कार्यक्रम एवंम् १ दिने स्काउट अभिमुखीकरण” कार्यक्रम सम्पन्न भएको छ ।
मोरल नेप्लिज ईङ्लिस बोर्डिङ स्कुलका प्रिन्सिपल एवम् स्काउट दलका अध्यक्ष श्री दीपकबहादुर बमको अध्यक्षता एवम् नेपाल स्काउट सुदूरपश्चिम प्रदेश परिषद सदस्य श्री भीमराज अम्मैको प्रमुख आतिथ्यतामा सम्पन्न कार्यक्रममा गौरीगङ्गा नगर प्रमुख स्काउट आयुक्त श्री पुष्कर अवस्थी, स्काउट दलका स्काउट मास्टर एवम् नेपाल स्काउट सुदूरपश्चिम प्रदेश सदस्य श्री विनोद बोहराको सहभागिता रहेको थियो । मोरल नेप्लिज स्काउट दल, महादेव गर्ल्स ट्रुप, अग्नि शिखा गर्ल्स ट्रुपको सहभागिता रहेको कार्यक्रमको सञ्चालन, गर्ल्स ट्रुप लिडर आयुषा जोशी, पेट्रोल लिडर आशियाना देउवाले गर्नुभएको थियो ।
