बझाङको सदरमुकाम देखि पारी डुङ्ग्री देखि भातेखोला तर्फ गईरहेको जिपले क्षमत भन्दा २/३ गुणा बढि सवारी हाल्ने गरेको पाइएको छ । बझाङ जिल्ला को मस्टा गाउँपालिकाका शाखा रोडहरुमा मनोमानी तरिकाले क्षमता भन्दा बढी यात्रु बोक्ने गरेको पाइएको छ। जीपले छतमा समेत यात्रुहरु कोचाकोच हालेको दृष्य प्रस्ट देखिन्छ। जीपको भित्र अगाडी पछाडी पुरै मान्छे प्याक भएर छत पनि प्याक भई पछाडी झुण्डेर सवारी गरिरहेका दृश्य प्रष्टसंग देख्न सकिन्छ ।
यो भन्दा अगाडि पनि उक्त सडकमा यस्तै लापरबाही ले २ठूला दुर्घटना भैसकेका छन् उक्त दुर्घटनामा १० जना एक पटक र ८ जना मान्छेको अर्को पटक मृत्यु समेत भैसकेको छ भने दर्जनौं मान्छे घाइते भएका थिए । मस्टा गाउँपालिका वडा न १ का वडाअध्यक्ष कै घर अगाडि बाट त्यसरी मान्छे हालेको दृश्य सबैल प्रष्ट देखेका हुन्छन् तर स्थानीय सरकार र जिल्ला ट्राफिक प्रहरी कार्यालय बझाङ को समेत यस्तो दुर्घटना हुने ठाउँ मा ध्यान पुगेको देखिएन । यसरी कठिन सडकमा पैसा कमाउमे आसामा क्षमता भन्दा बढि यात्रु बोकेर जनताको ज्यान लाई उच्च जोखिममा राखेका छ । समय मै यस्ता कुराहरुमा ध्यान नदिदा पछि गएर दुर्घटना हुने प्रवल सम्भावना हुन्छ ।
साँघुरो र खाल्डाखुल्डी परेको सडकको यात्रामा सिटमा मात्र होइन, हुटभरि पनि उत्तिकै यात्रु जिपमा सवार थिए। त्यतिकै सामान राखिएको थियो। जिपले भित्र कोचाकोच यात्रु राखेर मात्रै नभएर खस्नै लाग्ने गरी बाहिर ढालासमेत यात्रु बोकेका छन् ।
गाउँतिर प्रहरीको आँखा छलेरमात्रै नभएर बजार क्षेत्र, प्रहरी, प्रशासन, ट्राफिक प्रहरी कार्यालयकै अगाडि क्षमताभन्दा बढी यात्रु बोक्ने गरेका छन् । सवारी साधनको चेकचाँजमा कडाइ नगर्दा व्यवसायीहरूले क्षमताभन्दा दोब्बर यात्रु बोकर जोखिमपूर्ण यात्रा गराइरहेका छन् । खासगरी ग्रामीण क्षेत्रका सडकहरूमा प्रहरीको सक्रियता निकै कमजोर देखिएको छ ।
तर ग्रामीण क्षेत्रमा चल्ने सवारी साधनमाथि प्रहरीले निगरानी नगर्ने गरेको कुरा समेत मस्टा गाउँपालिका सडकमा चल्ने गाडीले प्रष्ट पारिदिएका छन्।
यता प्रहरीले भने चेकजाँचमा कडाई गरिएको बताउदै आएको छ । यस्ता जोखिम हरु बाट बच्न सम्बन्धित निकायले समेत ध्यान दिन आवश्यक देखिन्छ । यस्तो जोखिमपुर्ण यात्रा गर्ने यात्रुहरुले पनि सचेत हुन आवस्यक देखिन्छ ।
