कैलाली जिल्लाको लम्कीचुहा नगरपालिका वडा नं -०२ निवासी युवा व्यवसायी भाबेश उपाध्याय विगत लामो समय देखि मौरीपालन व्यवसायमा लागी रहेका छन्। उहाँले यस क्षेत्रका युवाहरुलाई स्वरोजगार सहित कसरी मौरी व्यवसायमा लागेर मनग्य आम्दानी गर्न सकिन्छ भनेर अवरात्र हौसला दिँदै प्रशिक्षणमा खटिरहेका देखिन्छन्। उहाँ विगत ६ बर्ष देखि आधुनिक तरिकाले मौरी पालन व्यवसायमा सक्रिय रुपमा देखिन्छन् ।
उहाँले मौरीपालन व्यवसायबाट मनग्य आम्दानी भईरहेको बताएका छन। उहाँ सँग अहिले करिव १५० भन्दा बढी घार छन्। जसबाट उहाँले वार्षिक ७ लाख जति आम्दानी गर्दै आईरहेका छन्। उहाँले वार्षिक करिव 30 कुइनट्ल मह उत्पादन गरी बजार सम्म पुर्याउने गरेकाे बताएका छन्। बजारका हकमा उहाँले कैलालीका विभिन्न ठाउँ हुँदै विशेष गरी काठमाण्डौं, पोखरा, बुटवल, दार्चुला, दाङ, बाँके, वर्दिया जिल्ला र माग अनुसार देशका विभिन्न ठाउँमा मह पठाउने गरेकाे बताएका छन्।
उहाँले मौरीलाई चरी चरनका लागि कैलाली लगायत दाङ् , सल्यान, बाके बर्दिया र चितवन् का विभिन्न ठाउँमा लिने गरेको बताएका छन्। आधुनिक मौरी पालनमा उहाँ मौरी सङ्गै रमाई र कमाई गरिरहेका छन्। भाबेश उपाध्याय वर्तमान समयका युवा पुस्ताकोे लागी व्यवसायिक प्रेरणाका स्रोत पनि बनेका छन्।
साथै उहाँले यस क्षेत्रमा काम गर्दै गर्दा सरकार पक्षबाट हुनु पर्ने सहयाेग नभएको बताए। विषेश गरी बजार अभाव हुने भएकाले कृषकहरु चिन्तित भएको र सरकारले सहि तरिकाले बजार व्यवस्थापन गरेमा कृषक हरु उत्साहित हुने बताए। साथै यस क्षेत्रमा स्थानिय सरकार र प्रदेश सरकारले सहयाेग गरेमा यस क्षेत्रलाई मौरी क्षेत्रको रुपमा चिनाउन सकिने बताएका छन्।
