बझाङ : बझाङकाे खप्तडछान्ना गाउँपालिकामा आई पर्ने आपत विपत प्रयाेजनका लागि खर्च गर्न गाउँपालिकाले बिपत काेष दानपेटीकाकाे उद्घाटन गरिएकाे छ ।
माघ २३ गते गाउँपालिकाकाे १४ औं गाउँसभाकाे उद्घाटन समाराेहमा गाउँपालिकाका अध्यक्ष उत्तम कुमार राेकायाले दान पेटीकाकाे शुभारम्भ गरिएकाे हाे ।
खप्तडछान्ना गाउँपालिकामा हालै सरूवा भएर आउनु भएका प्रमुख प्रशासकीय अधिकृत वीर बहादुर नेपालीले गाउँपालिकाकाे बिपत काेषमा कुनै रकम नभएकाे जानकारी पाए पछि नयाँ कामकाे थालनी गर्न बिपत काेष दान पेटीकाकाे सुरूवात गर्नु भएकाे गाउँपालीका स्राेतले बताएको छ ।
गाउँसभामा शुभारम्भ गरिएकाे दानपेटीकाकाे पालिका अध्यक्ष,उपाध्यक्ष,प्रमुख प्रशासकीय अधिकृत वडाअध्यक्षहरू,गाउँसभा सदस्य,कर्मचारीहरूले आफ्नाे गक्षअनुसारले दान पेटीकामा नगद रूपैया दान गरेका थिए ।
गाउँपालिकाकाे सभाहलमा राखिने दानपेटीकामा अवकाे प्रान्त कुनै पनि सभाहलमा हुने मिटिङ्ग,गाेष्ठी,तालिम लगायतका सार्वजनिक कार्य भएमा दान पेटीकामा दान गरिसके मात्रै कार्यक्रमकाे सुरूवात गरिने प्रवधान राखिएकाे छ।
दानपेटीका बर्षकाे एक पटक सार्वजनिक समाराेहमा खाेल्ने याेजना रहेकाे प्रमुख प्रशासकीय अधिकृत वीर बहादुर नेपालीले जानकारी दिए । दान पेटीकामा संकलन भएकाे रकमले गाउँपालिकामा आई पर्ने बिपतमा खर्च गरिने भएकाे छ ।
१४ औं गाउँसभामा कार्यस्थलमा हुने याैन दुर्ववहार सम्वन्धि ऐन २०८० पास गरेकाे थियाे भने केही याेजनाहरूकाे शीर्षक र याेजना रकमान्तर गरेकाे थियाे । साथै गाउँसभामा याे आर्थिक बर्षकाे अर्धवार्षिक कार्य प्रगति पनि प्रस्तुत गरेकाे छ ।
कार्यक्रममा खप्तड छान्ना ५ का अध्यक्ष रामबहादुर सिँहले कार्यस्थलमा हुने याैनजन्य दुर्व्यावहार ( निवारण ) ऐन ,२०७१ काे दफा २१ ले दिएको अधिकार प्रयाेग गर्ने गरि कानुन निर्माण गरेकाे छ ।
कार्यक्रममा सरूवा भएर आउनु भएका प्रमुख प्रशासकीय अधिकृत नेपालीलाई गाउँपालिकाकाे तर्फबाट टीका खादा लगाई स्वागत गरिएकाे थियाे । गाउँपालिका अध्यक्ष उत्तम कुमार राेकायाकाे अध्यक्षतामा संचालन भएकाे गाउँसभामा उपाध्यक्ष बिष्णु थापा,एक देखि सात वटै वडाका वडाध्यक्षहरू,कार्यपालिका सदस्यहरू ,गाउँसभा सदस्यहरू,पत्रकारहरू लगायत कर्मचारीहरूकाे सहभागी रहेकाे थियाे ।
