बझाङ – आज सेप्टेम्वर २८ तारिकका विश्वभरि १७ औं रेबिज विरुद्धको दिवस मनाईदैछ । आजको दिन विभिन्न जनचेतनामुलक कार्यक्रमहरु गरेर, रेबिजका बारेमा, यसको रोकथाम अनि यस विरुद्ध सुरक्षाका कुराहरु विश्वभर सम्प्रेषण गरेर यो दिवस मनाईदै आएको छ । ‘रेविज नियन्त्रण ः एक स्वास्थ्य एक गन्तव्य’ भन्ने मुल नाराका साथ यस बर्ष रेविज दिवस मनाइँदै छ ।
रेबिज मानव सभ्यतासगै धेरै अगाडिदेखि देखिएको रोग हो । रेबिज लागेका अर्थात रेबिज जनावरहरुको र्यालबाट सर्ने यो रोगले मानव इतिहासलाई र चिकित्साविज्ञानलाई राम्रो चुनौती दिएको हो ।
अहिले आएर आधूनिक चिकित्सा पद्धती अनि भ्याक्सिन अर्थात प्रतिरोधात्मक खोपहरु प्रयोग गरेर तथा यस्तो जनावरले टोकिसकेछी पनि औषधीको मात्रा पुरागरेर, सुइलगाएर रेबिजलाई समयमै निको पार्न सकिन्छ तर ढिला भएमा र भाइरसले अधिक प्रभाव पारिसकेमा भने रेबिज अझै पनि असावधानीले निम्तिने प्राणघातक रोग नै हो ।
दिवसको अवसरमा धनगढी उपमहानगरपालिका र गोदावरी नगरपालिकाले नगरभित्रका कुकुर, बिरालोलाई रेबिज बिरुद्धको खोप लगाउने भएको छ ।
