सुदूरपश्चिमका निमित्त वन निर्देशकको भाइरल भिडियोको यथार्थ
धनगढी — अडियोमा कुन डिभिजनले कति रकम दियो ? कसले दिएन ? फलानो सव डिभिजनले जम्मा यति दियो भन्दै प्रदेशका वननिर्देशकले टेलिफोनमा कसैलाई रिर्पोटिंङ गरिरहेको भिडियो यतिबेला सामाजिक सञ्जालमा भाइरल भएको छ । उक्त भिडियोमा सुदूरपश्चिमका वन निर्देशक कृष्णदत्त भट्टले मदिराको नशामा प्रदेशका वनमन्त्री रमेश धामीलाई फोनमा रिर्पोटिङ गरिरहेका हुन् ।
भिडियो रेकर्ड गर्ने कर्मचारी निर्देशक भट्टलाई उद्धृत गर्दै भन्छन् ‘वननिर्देशकसँग मन्त्री धामीले माग गरेको रकम उठाउन उनले सवै वन डिभिजन र सव डिभिजन प्रमुखलाई उर्दी नै जारी गरेका थिए ।’ रेकर्ड गर्ने कर्मचारीको भनाइ पुष्टि हुनेगरी सञ्चार माध्यममा आएको भिडियोमा निर्देशक भट्टले डिभिजन र सव डिभिजनको नाम तोकेरै उठेको रकमका विषयमा टेलीफोनमा जानकारी दिइरहेका छन् ।एक साताअघि भ्रष्टाचारको आरोपमा निलम्बनमा परेका वन मन्त्रालयका उपसचिव हेमराज विष्ट अदालतबाट सफाइ पाएर...
