बझाङमा सडक र विद्धुत सेवा अवरुद्ध
बझाङ: बझाङको जयपृथ्वी राजमार्गमा पहिरो खसेर सडक अवरुद्ध भएको छ । राजमार्गअन्तर्गत छबिसपाथिभेरा गाउँपालिकाको जालेबगरमा पहिरो गएपछि बझाङको यातायात अवरुद्ध भएको हो । पहिरोले ल्याएका ठूला ढुङ्गाले बिजुलीको पोल-तार बगाएपछि बझाङको विद्युत् सेवा पनि अवरुद्ध भएको छ ।
यस्तै पहिरोले तराईका जिल्लाबाट सुदूरपश्चिमका अन्य पहाडी जिल्ला जोड्ने भीमदत्त राजमार्गसहित विभिन्न सडक अवरुद्ध भएका छन् । जिल्ला प्रहरी कार्यालय डडेल्धुराका अनुसार भीमदत्त राजमार्गको साहुखर्क क्षेत्रमा पहिरो खसेको छ । डडेल्धुराको गन्यापधुरा गाउँपालिकास्थित साहुखर्कमा पहिरो खसेपछि राजमार्ग पूर्णरूपमा अवरुद्ध भएको हो ।
यस्तै डडेल्धुराबाट डोटी जोड्ने केआई सिंह राजमार्ग पनि पूर्ण रुपमा बन्द रहेको प्रहरीले जनाएको छ । राजमार्गको रडुवामा पहिरो खसेको छ । यस्तै डोटीको बुडरदेखि जोगबुढा जोड्ने सडक पनि पूर्ण रुपमा बन्द छ । आलिताल गाउँपालिकाको स...
