बैतडी

बैतडी- बैतडीमा १९ वर्षीया किशोरीमाथि जबरजस्ती करणी गरेको आरोपमा एक किशोरलाई प्रहरीले नियन्त्रणमा लिएको छ। पक्राउ पर्नेमा पाटन नगरपालिका–६ भडालीका १९ वर्षीय रोहित लुहार रहेका छन्। जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेका अनुसार आइतबार बिहान इलाका प्रहरी कार्यालय पाटनबाट खटिएको टोलीले लुहारलाई पक्राउ गरेको हो। उनका अनुसार पीडित किशोरीले जबरजस्ती करणी भएको भन्दै प्रहरीमा दिएको उजुरीको आधारमा लुहारलाई पक्राउ गरिएको हो। घटनाबारे थप अनुसन्धान भइरहेको प्रहरीले जनाएको छ।...

धनगढी- बैतडीको बसको ठक्करबाट एक महिलाको मृत्यु भएको छ। जिल्लाको दशरथचन्द नगरपालिका–१ गुरुखोला विद्यालय नजिक सोही नगरपालिका–१ दउनेबाजकी करिब ३०–३२ वर्षीया भागरथी लुहारको मृत्यु भएको जिल्ला प्रहरी कार्यालय बैतडीले जनाएको छ। देहिमाण्डौ मेला हेरेर घर फर्किँदै गरेकी लुहारलाई सतबाँजबाट देहिमाण्डौतर्फ जाँदै गरेको महाकाली यातायातको बस (सु.प्र. ०२–००१ ख १०१७) ले ठक्कर दिएको हो।...

बैतडी– आगामी फागुन २१ गते हुने प्रतिनिधि सभाको निर्वाचनका लागि मतदाता नामावलीमा नाम दर्ता प्रक्रिया सुरु भएसँगै जिल्लामा मतदाता र उम्मेदवारको विषयमा चर्चा बढेको छ। बैतडीमा महिला मतदाताको संख्या पुरुषभन्दा एक हजार ७३९ ले बढी छ। कुल एक लाख ४० हजार २०१ जना मतदातामध्ये महिला ७० हजार ९६९ र पुरुष ६९ हजार २३० जना रहेका छन्। तर, अहिलेसम्म प्रमुख राजनीतिक दलहरूले प्रतिनिधि सभामा महिला उम्मेदवारलाई अवसर दिन सकेका छैनन्। जिल्लाको जनगणना तथ्याङ्कअनुसार पनि महिलाको संख्या पुरुषभन्दा बढी छ। २०७८ सालको जनगणना अनुसार जिल्लाको कुल जनसंख्या दुई लाख ४२ हजार १५७ मध्ये महिला एक लाख २८ हजार २९३ र पुरुष एक लाख १३ हजार ८६४ जना रहेका छन्। यस आधारमा महिलाको संख्या पुरुषभन्दा १४ हजार ४२९ ले बढी भएको हो।...

बैतडी- जिल्लाको सिगास गाउँपालिका–२ पेडेगोदामा ३० वर्षीय यज्ञ सिंह धामीले आफ्नै काकी ३४ वर्षीया बेलमती धामीको बन्चरो प्रहार गरी हत्या गरेका छन्। जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेका अनुसार आइतबार राति करिब ११ बजे घरभित्रै घाँटीमा बन्चरो प्रहार गरी हत्या गरिएको हो। शवलाई पोष्टमार्टमका लागि जिल्ला अस्पताल बैतडी लगिएको छ। हत्या आरोपित धामीलाई प्रहरीले गएरातिनै नियन्त्रणमा लिएको जनाएको छ। यज्ञ सिंह हुलाक सेवाका अतिरिक्त कर्मचारी हुन्। कैलालीमा कार्यरत उनी भदौ १९ गते मात्र घर आएका थिए। आफन्त जय सिंह धामीका अनुसार उनी घर फर्किएको चार दिनमै आमासँग समेत विवाद गरी कुटपिट गरेका थिए। हत्याको कारण खुलेको छैन भने मानसिक अवस्था सामान्य नभएको आफन्तले बताएका छन्। हत्या भएकी बेलमती एकल महिला थिइन्। उनका चार छोरी र एक छोरा रहेका छन्। यज्ञ सिंहको श्रीमती वैदेशिक र...

बैतडी- बैतडीको पाटन नगरपालिका–७ दनखोलामा करेन्ट लागेर एक महिबैतडीमा करेन्ट लागेर महिलाको मृत्युलाको मृत्यु भएको छ। जिल्ला प्रहरी कार्यालयका प्रहरी निरीक्षक बलराम पाण्डेयका अनुसार जंगली जनावर मार्नका लागि मकैबारीमा थापिएको विद्युतीय पासोमा परेर ५४ वर्षीया पार्वती भट्टको सोमबार मृत्यु भएको हो। घटनाबारे आफन्तले जानकारी दिएपछि प्रहरी टोली घटनास्थल पुगेको थियो। मृतकको शव परीक्षणका लागि पाटन प्राथमिक स्वास्थ्य केन्द्रमा राखिएको प्रहरीले जनाएको छ।...

बैतडी- भारतसँग सीमा जोडिएको बैतडी जिल्लामा महिला र बालबालिका हराउने घटना बढ्दै गएको छ। जिल्ला प्रहरी कार्यालयको तथ्याङ्कअनुसार, गएको तीन वर्षमा हराएका व्यक्तिहरूमध्ये ५२ जनाको अवस्था अझै अज्ञात रहेको छ। आर्थिक वर्ष २०७९/८० मा एक सय पाँच जना हराउँदा ९१ जनालाई फेला पारिएको थियो। तीमध्ये १४ जनाको अवस्था अझै अज्ञात रहेको प्रहरीले जनाएको छ। आव २०८०/८१ मा एक सय १५ हराउँदा ११३ फेला परे, भने आव २०८१/८२ मा एक सय २२ हराएका मध्ये ८६ मात्र फेला परेका छन्। प्रहरी प्रवक्ता बलराम पाण्डेयका अनुसार, बेपत्ता हुनेमा महिला र बालबालिकाको संख्या बढी छ। गत आवमा ५५ महिला, २७ बालक, २९ बालिका र १ ज्येष्ठ नागरिक बेपत्ता भएका थिए। तीमध्ये ८६ जना फेला परेका छन्। प्रहरीले भनेका छन् कि कतिपयले बेपत्ता भएको जानकारी नदिने भएकाले तथ्याङ्क बढ्दै गएको छ। बैतडी भारतसँग खुला सीमा भएकोले धेरैजसो हराएका व्यक्ति भारततर्फ...

बैतडी- बैतडीको डिलाशैनी गाउँपालिका–४ जोखल्लीमा झाडापखालाबाट एक बालिकाको मृत्यु भएको छ। मृतक अन्दाजी १३ वर्षीया आरती रोकाया महेश्वरी माध्यमिक विद्यालय न्वाघरमा कक्षा ८ मा अध्ययनरत थिइन्। शिक्षकसमेत रहेका स्थानीय भरत नेगीका अनुसार तीन दिनदेखि झाडापखाला लागेकी आरतीको सोमबार बिहान साढे ५ बजे घरमै निधन भएको हो। महिला स्वास्थ्य स्वयंसेविका डम्मरा नेगीका अनुसार उनलाई उपचारका लागि स्वास्थ्य संस्था लैजानुको सट्टा घरमै धामीझाँक्री बोलाएर झारफुक गरिएको थियो। आरतीका बुवा सुरेन्द्रबहादुर रोकाया रोजगारीका लागि भारतको धार्चुलामा रहेका छन्। छोरीको निधन भएपछि उनी घर फर्किन लागेको शिक्षक नेगीले जानकारी दिए। सोही घरका थप दुईजना बालबालिकामा पनि झाडापखालाका लक्षण देखिएको महिला स्वास्थ्य स्वयंसेविका नेगीले बताइन्। एकजनाको मृत्यु र दुईजनामा लक्षण देखिएपछि हाडाकोट स्वास्थ्य चौकीबाट स्वास्थ्यकर्मी पठाइएको...

बैतडी– बैतडीमा भएको जीप दुर्घटनामा परि घाइते भएका दुई जनाको मृत्यु भएको छ । धनगढीबाट दार्चुलाको गन्ना तर्फ जाँदै गरेको सुप प्र ०४ ००१ज १३७२ नम्बरको जीप दुर्घटना हुँदा घाइते भएका मध्य दुई जनाको मृत्यु भएको हो । डिलासैनी गाउँपालिका–१ का चालकसमेत रहेका २४ वर्षीय सन्तोषबहादुर राना र सोही ठाउँका ३२ वर्षीय किरण बोहराको मृत्यु भएको जिल्ला प्रहरी कार्यालय बैतडीका प्रवक्ता, प्रहरी निरीक्षक बलराम पाण्डेयले जानकारी दिए । जीप सवार अन्य ६ घाइते भएका छन् । डिलासैनी–१ का ४५ वर्षीय राम कुमार राना, २१ वर्षीय भागरती खत्री उनकी २ वर्षकी छोरी एलिसा, २१ वर्षका हेमन्त प्रसाद भट्ट, २७ वर्षीय राजेन्द्र बहादुर खत्री र ५१ वर्षीय कलमा धामी घाइते भएका प्रहरी निरीक्षक पाण्डेयले बताउनुभयो । राजेन्द्र र कलमालाई थप उपचारका लागि धनगढी रिफर गरिएको जिल्ला प्रहरी कार्यालय बैतडीले जनाएको छ । शनिवार बिहान करिब साढे ५ बजेको ...

बैतडी- बैतडीको पाटन–६ खिपालीमा जीप दुर्घटना हुँदा चालकसहित ८ जना घाइते भएका छन्। धनगढीबाट दार्चुलाको गन्ना जाँदै गरेको सुप प्र ०४–००१ ज १३७२ नम्बरको जीप आज बिहान करिब ५ः३० बजे दुर्घटनामा परेको हो। दुर्घटनामा डिलासैनी गाउँपालिका–५ बैतडीका २५ वर्षीय हेमन्त प्रसाद भट्ट, ३२ वर्षीय किरण बोहरा, ५२ वर्षीया कुल्मा धामी, २७ वर्षीय राजेन्द्र खत्री, २१ वर्षीया भागरथी खत्री, उनकी दुई वर्षीया छोरी एलिसा खत्री, ३९ वर्षीय रामकुमार राना र चालक लालबहादुर राना घाइते भएका छन्। इलाका प्रहरी कार्यालय पाटनका अनुसार घाइतेमध्ये कुल्मा धामी, हेमन्त भट्ट र चालक लालबहादुर रानाको अवस्था गम्भीर रहेको छ। उनीहरूलाई प्राथमिक उपचारपछि थप उपचारका लागि अन्यत्र रेफर गर्ने तयारी भइरहेको जनाइएको छ। दुर्घटनाको जानकारी पाउनेबित्तिकै प्रहरी र स्थानीयवासीले उद्दार कार्यमा सक्रिय भूमिका खेलेका थिए। सबै घाइतेलाई पाटनको प्रा...