अन्तर्राष्ट्रिय

भारतको उत्तराखण्डमा हालैको बाढी र पहिरोका कारण जाजरकोटका १२, बर्दियाका ५ र जुम्लाका १ गरी १८ जना नेपाली नागरिक सम्पर्कविहीन भएका छन्। तीमध्ये अधिकांश मजदुरी गर्न र स्याउ टिप्न गएका थिए। मंगलवार आरिघोप्टे वर्षाले उत्तरकाशीको धराली बजारमा बाढी आएको थियो भने बुधवार पौडीगढवाल नजिकै सिन्धु खोला किनारमा पहिरो खसेको थियो। प्रभावित क्षेत्रमा रहेका नेपाली नागरिकहरूमध्ये धेरैजना जाजरकोटको कुशे गाउँपालिका–२ का हुन्। गाउँपालिकाका अध्यक्ष हरिचन्द्र बस्नेतले १३ जनाभन्दा बढी बेपत्ता भएको विज्ञप्तिमार्फत जानकारी दिएका छन्। पालिकाले खोजी तथा उद्धारका लागि प्रदेश र सङ्घ सरकारमार्फत परराष्ट्र मन्त्रालयलाई कूटनीतिक पहलका लागि आग्रह गरेको छ। यसैबीच, बर्दियाका ५ जना नेपाली पनि पहिरोमा परेर सम्पर्कविहीन भएको जानकारी आएको छ। नयाँ दिल्लीस्थित नेपाली दूतावासले भारतीय पक्षसँग समन्वयमा उद्धार कार्य भइरहेको ज...

अमेरिकाको स्वास्थ्य तथा मानव सेवा विभागले विभिन्न श्वासप्रश्वाससम्बन्धी भाइरसहरू विरुद्ध विकास भइरहेका २२ वटा खोप परियोजना रोक्ने निर्णय गरेको छ। अन्तर्राष्ट्रिय समाचार संस्था एपीका अनुसार, अमेरिकी स्वास्थ्य सचिव रोबर्ट एफ. केनेडी जुनियरले कोरोना, फ्लुजस्ता भाइरसविरुद्ध विकास भइरहेका खोप परियोजनामा लगानी गरिँदै आएको ५० करोड अमेरिकी डलरको अनुदान रद्द गर्ने घोषणा गर्नुभएको हो। खोपहरूलाई समस्याग्रस्त भन्दै सचिव केनेडीले अब नयाँ र सुरक्षित विकल्पहरूमा प्राथमिकता दिने बताउनु भएको छ। तर, स्वास्थ्य विज्ञहरूले भने यो निर्णय भविष्यमा गम्भीर असर पार्न सक्ने भन्दै चेतावनी दिएका छन्। प्रख्यात खोप विज्ञ डा. पाँल अफिट र महामारी विशेषज्ञ माइक ओस्टरहोमले खोपले लाखौं मानिसको ज्यान बचाएको र आगामी महामारी नियन्त्रणमा यसको भूमिका अझै महत्त्वपूर्ण हुने बताएका छन्।...

अफ्रिकी देश घानामा बुधबार भएको हेलिकप्टर दुर्घटनामा रक्षामन्त्री एडवर्ड ओमाने बोमाह, वातावरणमन्त्री इब्राहिम मुर्तला मोहम्मदसहित आठ जनाको ज्यान गएको छ। दुर्घटनालाई घाना सरकारले राष्ट्रिय त्रासदी को संज्ञा दिएको छ। ज्यान गुमाउनेमा कार्यवाहक उप-राष्ट्रिय सुरक्षा संयोजक अल्हाजी मोहम्मद मुनिरु लिमुना, सत्तारूढ राष्ट्रिय प्रजातान्त्रिक कांग्रेस (एनडीसी) पार्टीका उपाध्यक्ष शमूएल सारपोङ, पूर्व संसदीय उम्मेदवार शमूएल अबोआगेसमेत रहेका छन्। हेलिकप्टरमा पाँच यात्रु र तीन चालक दलका सदस्यहरू थिए। घानाको सेनाका अनुसार दुर्घटनाग्रस्त जेड-९ उपयोगिता हेलिकप्टरले बिहान ९:१२ बजे राजधानी आक्राबाट उडान भरेको थियो। सो हेलिकप्टर सुन खानी रहेको ओबुआसी शहरतर्फ गइरहेको थियो, जहाँ एक राष्ट्रिय कार्यक्रम आयोजना हुने तय भएको थियो। तर उडानपछि केही समयमै हेलिकप्टरसँग सम्पर्क विच्छेद भएको थियो। सेनाले जनाएको अनु...

भारतको उत्तराखण्ड राज्यमा आएको भीषण बाढीका कारण ४ जनाको मृत्यु भएको छ भने ५० भन्दा बढी व्यक्ति बेपत्ता भएका छन्। उत्तरकाशी जिल्लाको हर्षिल क्षेत्रस्थित खीरगंगा नदीमा मंगलबार दिउँसो साढे १ बजे आएको बाढीले ठूलो जनधनको क्षति पुर्‍याएको हो। बाढीले गंगोत्री मार्ग अन्तर्गत पर्ने धराली बजारलाई पूर्णरूपमा तहसनहस बनाएको छ। स्थानीय बस्तीहरू, घर, पसल, होटल, होम स्टे र सैनिक क्याम्पसमेत बगाएको छ। उत्तरकाशीका जिल्ला अधिकारी (डीएम) प्रशान्त आर्यका अनुसार लेदोसहितको बाढीले भौतिक संरचनाहरूमा समेत ठूलो क्षति पुर्‍याएको छ। सामाजिक सञ्जालमा भाइरल भएका भिडिओहरूमा नदीमा अचानक आएको बाढीले किनारका घरहरू र पसलहरू बगाउँदै लगेको दृश्य देखिन्छ। घटनापछि भारतीय सेना, एनडीआरएफ र स्थानीय प्रशासनका १५० भन्दा बढी सुरक्षाकर्मी उद्दारमा खटिएका छन्। लेदो र मलिलो माटोको कारण उद्धारमा कठिनाइ भैरहेको जनाइएको छ। त्यस क्...

काठमाडौं- भारतको ओडिशास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा दुई नेपाली छात्राको मृत्यु प्रकरणबारे गठित छानबिन समितिले विश्वविद्यालय प्रशासनकै लापरवाही जिम्मेवार रहेको निष्कर्ष निकालेको छ। समितिको प्रतिवेदनअनुसार विश्वविद्यालयभित्र अवैध, गैरकानुनी र अमानवीय व्यवहारका कारण २० वर्षीय प्रकृति लम्साल र १८ वर्षीया प्रिसा शाहको ज्यान गएको हो। फागुन ४ गते प्रकृति लम्साल कलेजको होस्टलमा मृत अवस्थामा फेला परेकी थिइन्। मृत्युअघि उनले आफूमाथि मानसिक दबाब र ब्ल्याकमेल गरिएको भन्दै दुई पटक कलेज प्रशासनमा उजुरी दिएको पाइएको छ। तर प्रशासनले उजुरी गम्भीर रूपमा नलिएकाले उनी आत्महत्या गर्न बाध्य भएको निष्कर्ष छ। घटनापछि विश्वविद्यालय प्रशासनले विरोधमा उत्रिएका अन्य नेपाली विद्यार्थीमाथि बल प्रयोग गर्दै होस्टल खाली गर्न निर्देशनसमेत दिएको थियो। त्यसको केही सा...

कर्नाटक भारत- प्रवासी भूमिमा रहेका नेपालीहरूले राजनीतिक चेतनासँगै संगठनात्मक सक्रियता अभिव्यक्त गर्ने क्रममा राष्ट्रिय स्वतन्त्र पार्टीको प्रवासी मञ्च कर्नाटकअन्तर्गत शान्तिनगर समिति तथा बित्थडचिर गाउँपालिका समिति गठन गरिएको छ। समितिहरू गठन गर्ने कार्यक्रम असार २९ गते कर्नाटकमा आयोजित भएको हो। कार्यक्रममा पार्टीका केन्द्रीय उपप्रमुख दीपकराज आचार्य र केन्द्रीय अनुशासन विभाग प्रमुख पहल एन्जी विशेष अतिथि थिए। नेताहरूले नवगठित समितिलाई बधाई दिंदै प्रवासमा रहेर पनि देशप्रेम, राजनीतिक जागरुकता र संगठन निर्माणमा सक्रिय योगदान दिनुपर्नेमा जोड दिएका थिए। नवगठित समितिमा बसन्त धामी सभापति चयन भएका छन्। त्यसैगरी, विनोद नेपाली उपसभापति, टेकेन्द्र धामी सचिव, नरेश कडायत सहसचिव, नरेश अवस्थी कोषाध्यक्ष र यज्ञराज अवस्थी सह-कोषाध्यक्षको जिम्मेवारीमा चयन भएका छन्। महेश बिष्ट प्रवक्ताको रूपमा र हरमल धामी...

इजरायलसँग भएको १२ दिन लामो युद्धका क्रममा कम्तीमा ९३५ इरानी नागरिकको ज्यान गएको इरानी सरकारी सञ्चारमाध्यमले सोमबार जनाएको छ। युद्धविराम लागू भएको करिब एक सातापछि उक्त विवरण सार्वजनिक गरिएको हो। सरकारी समाचार संस्था इरना का अनुसार, "सियोनवादी शासनद्वारा हाम्रो देशमाथि थालिएको १२ दिने युद्धको क्रममा हालसम्म ९३५ जना शहीदको पहिचान गरिएको छ," न्यायपरिषद्का प्रवक्ता असगर जहाङ्गीरलाई उद्धृत गर्दै जनाइएको छ। मृतकमध्ये १३२ महिला र ३८ बालबालिका रहेका छन्। इरानी अधिकारीहरूका अनुसार, जुन १३ तारिखदेखि इजरायलले इरानका सैनिक शिविर, आणविक अनुसन्धान केन्द्र र आवासीय क्षेत्रमा बम आक्रमण सुरु गरेको थियो। ती आक्रमणमा उच्चपदस्थ सैनिक अधिकृतहरू र वैज्ञानिकहरूको समेत ज्यान गएको उल्लेख छ। जवाफमा इरानले पनि मिसाइल तथा मानवरहित विमान प्रयोग गरी इजरायलका प्रमुख शहरहरूमा आक्रमण गरेको थियो। इजरायली पक्षका अनु...

अमेरिकी राष्ट्रपति डोनाल्ड ट्रम्पले इरानका आणविक केन्द्रहरू पूर्ण रूपमा ध्वस्त भएको दाबी गरेका छन्। यद्यपि अमेरिकी गुप्तचर निकायको प्रारम्भिक अनुसन्धानले आक्रमणले केही भौतिक क्षति पुर्‍याए पनि पूर्णरूपमा नष्ट गर्न नसकेको देखाएको छ। पेन्टागनको रक्षा गुप्तचर एजेन्सी (डिआइए) बाट आएको प्रारम्भिक क्षति मूल्याङ्कन प्रतिवेदन अमेरिकी सञ्चारमाध्यमहरूमा चुहावट भएको थियो। सो सूचनाको चुहावटप्रति ट्रम्प आक्रोशित बनेका छन्। ट्रम्प प्रशासनले भने इरानको आणविक कार्यक्रम अझै कायम रहेको भन्ने रिपोर्टलाई अस्वीकार गरिरहेको छ। मध्यपूर्वका लागि ट्रम्पका विशेष दूत स्टिभ विटकफले सूचनाको चुहावटलाई 'देशद्रोह'को संज्ञा दिएका छन्। त्यहीबीच, इजरायलका प्रधानमन्त्री बेन्जामिन नेतान्याहूले इरान आक्रमणबाट पछि हट्नु इजरायलका लागि ऐतिहासिक विजय भएको प्रतिक्रिया दिएका छन्। इरानका राष्ट्रपति मासाउद पेजेस्खिनले भने ...