बझाङ :चारैतिर हिमालै हिमालले भरिएका रमाइला हिमालहरुकाे बिचमा साईपाल गाउँपालीका रहेको छ ।
यस गाउँपालीकाकाे काँडा भन्ने ठाउँमा स्थानीय सरकारकाे पालीका रहेको देखिन्छ भने,नजिकै स्वास्थ्य सेवाका लागि अस्पतालकाे ठुलाे भवन निर्माणाधीन अवस्थामा रहेको छ । सुन्दर बस्ती नजिकै एउटा काडा माध्यामिक विद्याय पनि छ । यस विद्यालयकाे समग्र चित्रण बाट हेर्ने हाे भने,विहान उठ्ने बित्तिकै सेता हिमाल कुहुकुहु बास्ने चराचुरुङ्गीहरुकाे सारङ्गी आवाज सुन्न र देख्न पाईन्छ ।
कुनै दिन घरघरमा जङ्गली जनावर मृग,घाेरल बँदेल बाघ,डाफे,कालिज जस्ता चराचुरुङ्गी र जनावरहरु गाेठ्मै आउने गएको तथ्य थियाे भने अहिले जलवायु परिवर्तनकै कारण घर बाट अलि माथि डाडापाखाहरुका अवश्य देख्न पाईन्छ ।
स्थानीय सरकार सञ्चालन पछि निकै टाढा मात्र हैन,यात्राकाे क्रममा करिब हप्ता दिन नै लाग्ने यहीँ पालीका रहेको पाईन्छ । यस पालिकामा धलाैन,देखि धुली सम्म जम्मा ५ वटा वडाहरु रहेका छ । यात्रा गर्दा सदरमुकाम चैनपुर बाट गाडी साथ पनाल्त सँगसँगै पैदलयात्रातय अवश्य नै हुन्छ ।
पैदल यात्राकाे त्याे कठिनाई, उकाली अाेराली तलमाथिकाे खाेला नाला साथकाे कठिन यात्रा रहेकाे छ भने, मनाेरञ्जन साथ यात्रा भने सहज जस्तै महसुस हुन थाल्छ । साईपाल हिडाईमा एक जाेड कपडा र जुत्ता फाट्ने गरेको पाईन्छ । निङ्गाली लठ्ठीकाे भरमा सेताम्मे धुलाे साथ यात्राकाे सुरुवात हुन्छ । हामी गाडी यात्रा बाट सुनपानी कुवा सँगै जारलेख,गनै, हुँदै वडा नम्बर १/२ धलाैन पुग्छाै । त्यसपछि गाउँमाथी बाटै सुरु हुन्छ बुढापाकालाई ३ घण्टाकाे उकालो बाटाे भने युवालाई करिव २ घण्टा उकालो चढेपछी मात्र थकाइ मार्ने डाडा हाेटेल आईपुग्छ । 
त्यस ठाउँमा खानेपानी अलिकति ३० मिनेट तलबाट बाेकेरै लिनु पर्छ । थकाइ साथै हामी फेरि त्यति नै अाेरालाे तल झर्छाै जिमा गाउँ नजिकै रहेको पुर्व गाउँपालीका अध्यक्ष राजेन्द्र धामीकाे हाेटेल पुग्छाै । त्याँहा अन्य हाेटेलहरुपनि भेटाउन्छाै । थकाइका पलहर, साथ सरल सिधा जङ्गलकाे बाटाे लाग्छाै । नजिकै एउटा झाेलुङ्गे पुल आउन्छ । कतिपय झाेलुङ्गे पुल हुदै, जिमामा रहेको तातोपानी तिर्थमा जान्छन भने कतिपय करिव १ देखि २ घण्टाकाे बाटाे हिडेर काडा पुग्छन ।
जिमा भन्ने ठाउँमा तातोपानी कुण्ड रहेकाे लेखिन्छ । पहिला निकै कठिनाइ साथ रहेको तातोपानी तपाेवन भने पछिल्लो समय पर्यटन बाेर्ड र स्थानीय सरकारले सिडि साथ सरल यात्रा बनाएको पाईन्छ । तपाेवन पुगेर नुहाउदा साेचेकाे पुराहुने धार्मि परम्परागत मान्यता रहेकाे छ ।
त्यसपछि गाउँपालीका काडा करिव २ घण्टा पछि पुग्न सकिन्छ । काँडामा बाजचाैका सहितका रमाइला ३ वटा बस्ती देखिन्छन । टिलिक्क परेका बस्ति अनि रमाइला मान्छेहरु भेट्न पाउन्छाै । यति मात्र हैन चिसाे माैसममा समाजसेवी अर्थात उज्ज्वल बाेहरा लगायतकाे आगनमा ठुलाठुला मुढा सहित रमाइला गफगाफका मानिसहरु भेटिन्छन ।
मुढाकाे आगाे ताप्दै लिएको आन्दोलनमा पुराना कुराहरु रमाइला गफगाफ साईपालका मान्छेकाे सँगतले त्यतै बस्न रमाउन मन लाग्छ । फेरि बेसि झर्न मनै लाग्दैन । टलक्क टल्केका हिमाल हरिया जङ्गल सँगै रमेकाे साईपालमा अझै त्याहाँका मान्छेकाे मायाले घरमा फर्कने मनै लाग्दैन । एक पटक साईपाल अवश्य पुग्नुहाेला आजकाे शृङ्खलाममा हामी धुलि सम्म मात्र पुग्छाै ।
ललेरि घरका बस्ती सँगसँगै तलतिर कलकल सेती बगिरहेको देखिन्छ भने नजिकै रहेको स्थानमा बाटै माथि गाउँपालीका अध्यक्ष मानविर बाेहराकाे घर छ सँगसँगै गाेरख बाेहरापनि बस्छन । अहिले गाेरख समाजसेवी पनि छन । उनले कुखुरा,सिरग बनाउने मेसिनपनि राखेका छन । उनको हाेटेलमा बस्दै जिस्किन मज्जा आउन्छ ।
देखिँदा नजिकै तर करिव ३ घण्टा उकालो तलमाथि गर्दै न्युना गाउँ पुग्न सकिन्छ । त्याे गाउँ रमाइलो छ टलक्क टल्केकाे गाउँमा निकै राम्रो समाज छ । त्यस गाउँ बाट सिधै धुलि जान पनि सकिन्छ । काडाँ र न्युना हुँदै धुली जान करिव ४ /५ घण्टा अनिर्वार्य हिड्नु पर्छ । अनि धुली पुगिन्छ । धुलीकाे बस्ती अझै रमाइलो देखिन्छ । त्याहा अहिलेका उपाध्यक्ष डाेल्मा तामाङकाे घर हाे ।
वारितिर धुली गाउँबाट हेर्दा पारी बलाैडी गाउँलाई नियाल्न सकिन्छ । धुलिमा राेकाया, तामाङ,भण्डारी ,बाेहरा सहितका मान्छेको बसाेवास रहेको पाईन्छ । त्याे गाउँपनि वरिपरि हिमालै हिमालले भरिपुर्ण छ । रमाइलो साईपालकाे यात्रामा थकाइ नै थकाइकाे महसुस अवस्य हुन्छ भने, कठिन परिस्थितिकाे गलैंचामा हिमाल भरिकाे सेताम्मे माला देख्न पाईन्छ । थप अर्को शृङ्खलामा समेट्ने छाै ।
