अछाम- अछाम क्षेत्र नम्बर २ को प्रतिनिधिसभा सदस्य निर्वाचनको अन्तिम मत परिणाम सार्वजनिक भएको छ। अन्तिम सार्वजनिक परिणाम अनुसार नेकपा एमालेका उम्मेदवार यज्ञबहादुर बोगटी विजयी हुनुभएको हो।
बोगटीले ९ हजार ५१८ मत प्राप्त गर्दै नेपाली कांग्रेसका उम्मेदवार पुष्प शाहलाई ४७२ मतान्तरले पराजित गर्नुभएको हो। शाहले ९ हजार ४६ मत प्राप्त गर्नुभएको छ।
यस्तै, नेकपाका उम्मेदवार बलबहादुर कुँवरले ६ हजार ४९३ मत प्राप्त गर्दा राष्ट्रिय स्वतन्त्र पार्टी (रास्वपा)का उम्मेदवार भूपदेव शाहले ४ हजार ५६२ मत पाउनुभएको छ।
अन्य उम्मेदवारतर्फ गुलाब चिन्हले ५५८, हलोले १६७, मादलले ६०, चिमले ५३ र आँखा चिन्हले ११३ मत प्राप्त गरेका छन्।
अन्तिम मत परिणामसँगै नेकपा एमालेका बोगटी अछाम–२ बाट प्रतिनिधिसभा सदस्यमा निर्वाचित हुनुभएको हो।
Advertisement
