Day: २०८३ श्रावण ३, आईतवार २१:२९

बैतडी- विगत २७ वर्षदेखि दलित बस्तीमा वैदिक विधिअनुसार कर्मकाण्ड गर्दै आएका वैदिक वाचस्पति, संस्कारशिरोमणि, धर्मशास्त्राचार्य तथा ज्योतिषाचार्य पण्डित गणेशप्रसाद पन्त सुदूरपश्चिमका तीन स्थानीय तहबाट सम्मानित भएका छन्। बैतडीको पाटन नगरपालिका-८ निवासी पन्तलाई डोटीको दिपायल सिलगढी नगरपालिका, डडेल्धुराको अजयमेरु गाउँपालिका र बैतडीको पुर्चौडी नगरपालिकाले सामाजिक तथा धार्मिक योगदानको कदर गर्दै सम्मान गरेका हुन्। पन्तले दलित समुदायमा वैदिक विधिअनुसार सप्ताह, शिवपुराण, व्रतबन्ध, विवाह, न्वारन, वास्तुपूजा, गृहप्रवेशलगायतका धार्मिक अनुष्ठान सञ्चालन गर्दै आएका छन्। उनले हालसम्म ३८ वटा सप्ताह, २४ वटा शिवपुराण, २९७ वटा लघुरुद्राभिषेक, १९३ वटा महारुद्राभिषेक, ३ हजार ९११ वटा न्वारन, ५६९ वटा व्रतबन्ध, ७२२ वटा सत्यनारायण पूजा, ६२२ वटा ग्रहशान्ति, ३९ वटा शतचण्डी, ६५ वटा अखण्ड रामायण, ५७९ वटा स्वस्थानी ...

बैतडी- बैतडीमा सवारी ज्यान मुद्दामा अदालतबाट दोषी ठहर भई फरार रहेका एक प्रतिवादीलाई प्रहरीले पक्राउ गरेको छ। जिल्ला अदालत बैतडीको फैसलाअनुसार सवारी ज्यान मुद्दामा १० दिन कैद सजाय तोकिएका पुर्चौडी नगरपालिका-६ रत्नाका २१ वर्षीय दीपक धानुकलाई शनिबार दिउँसो पक्राउ गरिएको प्रहरीले जनाएको छ। अस्थायी प्रहरी पोस्ट ढोल्यामोडबाट खटिएको प्रहरी टोलीले उनलाई सुर्नया गाउँपालिका-८ स्थित ढोल्यामोड बजारबाट पक्राउ गरेको हो। पक्राउ परेका धानुकलाई फैसला कार्यान्वयनका लागि सम्बन्धित निकायमा पेश गर्ने प्रक्रिया अघि बढाइएको जिल्ला प्रहरीले जनाएको छ।...