Day: २०८२ कार्तिक ११, मंगलवार २२:११

काठमाडौँ - पश्चिमी वायुको साथै अरब सागरमा बनेको न्यूनचापीय प्रणालीको प्रभावले हाल देशभर सामान्य बदली भएको मौसम पूर्वानुमान महाशाखाले जनाएको छ। गण्डकी र बागमती प्रदेशका केही स्थानमा छिटपुट वर्षा भइरहेको छ। मंगलबार दिउँसो गण्डकी, लुम्बिनी, कर्णाली र सुदूरपश्चिम प्रदेशलगायत बाँकी पहाडी भूभागमा सामान्य बदली रहनेछ भने तराईका भूभागमा आंशिक बदली रहने सम्भावना छ। गण्डकी, लुम्बिनी र कर्णाली प्रदेशका केही स्थानसहित बाँकी प्रदेशका पहाडी तथा हिमाली भूभागका थोरै स्थानमा मध्यम वर्षासहित हिमपात हुन सक्ने महाशाखाले जनाएको छ। गण्डकी प्रदेशका उच्च पहाडी तथा हिमाली भूभागका एक–दुई स्थानमा भारी वर्षासहित हिमपातको सम्भावना पनि रहेको छ। राति बागमती, गण्डकी, लुम्बिनी र कर्णाली प्रदेशलगायतका पहाडी भूभागमा सामान्य बदली रहनेछ भने तराई भूभागमा आंशिक बदली हुनेछ। गण्डकी प्रदेशका केही स्थानमा, साथै बागमती, लुम्...

काठमाण्डौ- छठ पर्वको अन्तिम दिन आज उदाउँदो सूर्यलाई पूजा आराधना गरी विधिपूर्वक अर्घ्य दिइँदैछ। हिजो अस्ताउँदो सूर्यलाई अर्घ्य दिएपछि व्रतालुहरूले रातभर जाग्राम बसेर आज बिहान सप्तमीका दिन उदाउँदो सूर्यलाई पूजा गरी अर्घ्य दिएपछि यो पर्वको समापन हुँदैछ। यस अवसरमा देशभरका नदी, पोखरी र जलाशयका किनारमा व्रतालुहरूको घुईंचो लागेको छ। कात्तिक शुक्ल षष्ठीका दिन हिजो निराहार व्रत बसेका व्रतालुहरूले अस्ताउँदो सूर्यलाई पूजा आराधना गरी अर्घ्य दिएका थिए। छठ पर्वको अवसरमा तराई–मधेशसँगै काठमाण्डौ उपत्यका तथा देशका अन्य स्थानका नदी, पोखरी र जलाशयहरूलाई आकर्षक रूपमा सिँगारिएको छ। हिजो देशभर सार्वजनिक बिदा दिइएको थियो भने मधेश प्रदेशमा आज पनि सार्वजनिक बिदा दिइएको छ।...