Advertisement
बझाङ : बझाङमा चितुवाको छाला सहित एक जना पक्राउ परेका छन ।
जिल्ला प्रहरी कार्यालय बझाङले आज चितुवाकाे छाला सहित एक जनालाई पक्राउ गरेको हाे । यहि ४ गते अन्दाजी १९:३० बजेको समयमा जिल्लाकाे जयपृथ्बी नगरपालिका वडा नम्बर १० चैनपुर बजारमा थलारा गाउँपालीका ८ गन्डाउनी बस्ने हरिलाल जोशीको छोरा खगेन्द्र राज जोशी पैदल हिडिरहेको बेला प्रहरीले पक्राउ गरेकाे थियाे ।
जिल्ला प्रहरी कार्यालय बाट प्र.नि.किशोर जोशीको कमाण्डमा खटिएकाे प्रहरी टोलीले शंका लागि चेकजाँच गर्ने क्रममा उनको हातमा बाेकेकाे सिमेन्टको कठ्ठा भित्र लुकाई छिपाई लैजादै गरेको फेला पारेपछि पक्राउ गरिएको जिल्ला प्रहरी कार्यालय बझाङका डिएसपी युवराज भण्डारीले बताउनु भयाे ।
सिमेन्टको कट्टामा टाउको देखी पुच्छर सम्मको लम्बाई ८ फिट २ ईन्च र छातीको चौडाई ३ फिट २ ईन्च भएको सेतोमा कालो, खैरो रंगको बुट्टा भएको दाँत र पञ्जा सहितको चितुवाको छाला फेला पारी बरामद गरी यतिबेला खगेन्द्र राज जोशीलाई पक्राउ गरी थप अनुसन्धानको लागि जिल्ला प्रहरी कार्यालयको हिरासतमा राखीएको डिएसपी भण्डारीले बताए ।
कामनाटुडे निष्पक्ष पत्रकारिताको दृढ पहरेदार हो, जसले समाचार, विचार, मनोरञ्जन, खेलकुद, विश्व, प्रविधि र जीवनका विविध आयाम उजागर गर्छ। मर्यादित समाज र समृद्धिको यात्रामा अघि बढ्दै हामि आवाजविहीनहरूको बुलन्द स्वर बनिरहेका छौँ । यदि तपाईंसँग भ्रष्टाचार वा अनियमितताको कुनै प्रमाण छ भने, हामीलाई पठाउनुहोस्। सत्य उजागर गर्न कटिबद्ध कामनाटुडे तपाईंको गोपनीयता सुरक्षित राख्नेछ। सचेत नागरिक बनौं, अन्यायविरुद्ध उभिऔं!
केन्द्रिय कार्यालयः सुदूरपश्चिम प्रदेश धनगढी कैलाली
फोन नम्बर – ०९१-५९०९३३
