मलेसिया :सुदूरपश्चिम प्रदेशको महान चाँडको अवसरमा सुदूरपश्चिमेलि नेपाली समाज जोहोबारु मलेसियाद्वारा गौरा विशेष कार्यक्रम सम्पन्न भएको छ । सुदूरपश्चिमको भाषा, कला संस्कृतिको जगेर्ना र सो भाषा कला साहित्यको प्रचारप्रसार गर्ने हेतुले सुदूरपश्चिमेलि नेपाली समाज जोहोबारुद्वारा आईतवार सो कार्यक्रम सम्पन्न भएको हो ।
कार्यक्रममा लोक देउडा गायक सुनिल नेपाली सहित अन्य स्थानीय कलाकारले सुदूरपश्चिमको भाषा कला र साहित्यको अन्तर्राष्ट्रिय तवरमा प्रचारप्रसार हुने भाका गाएर मनोरञ्जन दिएको सुदूरपश्चिमेलि नेपाली समाज मलेसियाका सचिव कपिल बहादुर बोहराले जानकारी दिनुभयो । सचिव वोहराले सुदूरपश्चिमेली नेपाली समाजले आयोजना गर्ने हरेक कार्यक्रममा बिगत देखि नै मलेसियामा क्रियासिल विभिन्न संघ-संस्था, राजनितिक दल तथा व्यवसायीक हरुबाट धेरै माया र सपोर्ट पाएको समेत बताउनुभयो ।
मलेसियाको राजधानी क्वालालम्पुर देखि करिब ५ घण्टाको दुरिमा आयोजना गरेको सो गौरा पर्व तथा सांस्कृतिक कार्यक्रममा देउडा गायक सुनिल नेपाली, अन्य स्थानीय कलाकार नेपाली राजदूतावास मलेसियाका कार्यवाहक राजदूत मुदिता बज्राचार्य, दुतावासका अन्य पदाधिकारी , सो संस्थाका सस्थापक तथा बर्तमान संरक्षक टेक बहादुर बुढा, प्रमुख सल्लाहकार टेक बहादुर टमोटा , सल्लाहकार महेश भट्ट, जोहोरबारु संरक्षक युराज बम ,सल्लाहकार महेश भट्ट, पुर्व कोषाध्यक्ष तिलक बहादुर चन्द, महासचिव मलेसियामा बस्ने नेपालीहरु तथा अन्य व्यक्तिको बाक्लो उपस्थिति रहेको थियो ।
