गत कार्तिक ६ गते बझाङको छबिसपाथिभेरा वार्ड नम्बर ३ पाटागाउँमा आफ्नो बन्दुक अरुलाई पड्काउन दिने असई पुस्कल चन्द निलम्बित भएका छन् । हिजो मंसिर ७ गते कामना टेलिभिजनमा ´प्रहरी ले बन्दुक दिए, पुर्व गाउँपालिका अध्यक्ष अक्कल धामिले बन्दुक पड्काए, डिएसपी मुकदर्शक` भन्ने शीर्षकको समाचार प्रशारण भएपश्चात् सो कुरामा जिल्लाका डिएसपी भरत शाहले चासो दिइएको हो ।
´मलाई पहिला यो घटना थाहा थिएन थाहा भएको भए म उतिबेला नै निलम्बित गर्थेँ । अहिले थाहा भयो र निलम्बनका लागि पत्र पठाई उहाँ निलम्बन हुनुभएको छ । ` डिएसपी शाह ले कामना टेलिभिजन संग भन्नुभयो ।
बन्दुक पड्काउन दिएका असई चन्द निलम्बित भएपनी बन्दुक पड्काउने पुर्व गाउँपालिका अध्यक्ष अक्कल धामिलाई भने हालसम्म कुनै कार्वाही भएको छैन । प्रदेशमा पत्र पठाएको र एसपी को कमाण्डमा अनुसन्धान सदस्य गठन भइसकेपछि उहाँलाई पनि कानुन अनुसार कार्वाही हुने कुरा डिएसपी शाहले बताउनु भएको छ ।
