हाम्रो बारेमा

काठमाडौं- राष्ट्रपति रामचन्द्र पौडेलले मुलुकलाई छिटोभन्दा छिटो संवैधानिक दायरामै रहेर निकास दिन आफू प्रयत्नशील रहेको बताएका छन् । बिहीबार एक विज्ञप्ति जारी गर्दै उनले लोकतन्त्रको संरक्षण र शान्ति–सुव्यवस्था कायम गर्न विभिन्न पक्षसँग विचार–विमर्श भइरहेको बताएका छन् । त्यस्तै, जेन–जी आन्दोलनकारीहरूको माग छिटोभन्दा छिटो सम्बोधन गर्न पनि प्रयास भइरहेको उनले उल्लेख गरेका छन् । राष्ट्रपति पौडेलले भनेका छन्, “आन्दोलनकारी नागरिकहरूको माग सम्बोधन गर्न समस्याको छिटो समाधान खोजिँदैछ भन्नेमा विश्वस्त रहनुहोस् । मुलुकमा शान्ति–सुव्यवस्था कायम गर्न संयमतापूर्वक सहयोग गर्न सबै पक्षलाई अपिल गर्दछु ।...

काठमाडौं- सर्वोच्च अदालतले आगामी आइतबारदेखि सांकेतिक रूपमा सेवा सुरु गर्ने भएको छ। सबै न्यायाधीशहरूको सहभागितामा बसेको पूर्ण बैठक (फुल कोर्ट)ले बन्दी प्रत्यक्षीकरणसम्बन्धी निवेदनको दर्ता र नियमित सुनुवाइबाट सेवा पुनः प्रारम्भ गर्ने निर्णय गरेको हो। गत मंगलबार जेनजी आन्दोलनकारीहरूले गरेको उग्र प्रदर्शनका क्रममा सर्वोच्च अदालतमा आगजनी र तोडफोड भएपछि अदालतको सम्पूर्ण सेवा अवरुद्ध भएको थियो। बिहीबार बसेको आकस्मिक पूर्ण बैठकपछि जारी विज्ञप्तिमा भनिएको छ, “यस अदालतमा मिति २०८२।०५।२९ गते आइतबारदेखि बन्दी प्रत्यक्षीकरणका निवेदन दर्ता र नियमित सुनुवाइ प्रारम्भ हुने जानकारी सर्वसाधारणलाई गराइन्छ।” बैठकले सर्वोच्च अदालतसहित देशभरका अन्य अदालतमा भएको आगजनी, ढुङ्गामुढा, तोडफोड र लुटपाटप्रति गहिरो दुःख व्यक्त गरेको छ। विज्ञप्तिमा नेपालको न्यायिक इतिहासका महत्वपूर्ण दस्तावेजहरू करिब नष्ट भएको उल...

काठमाडौँ– जेन–जी भनिने नयाँ युवा पुस्ताले गरेको आन्दोलन र दबाबपछि सरकारले सामाजिक सञ्जालमाथि लगाएको प्रतिबन्ध हटाउने निर्णय गरेको छ। हिजो बेलुकी बसेको मन्त्रिपरिषद् बैठकले फेसबुक, युट्युब, ह्वाट्सएप, इन्स्टाग्रामलगायत प्लेटफर्म सञ्चालनमा ल्याउने निर्णय गरेको हो। सूचीकरण नभएको भन्दै सरकारले गएको बिहीबारदेखि यी सञ्जालहरू बन्द गरेको थियो। तर, प्रतिबन्धका कारण अनलाइन व्यापार–व्यवसाय, विद्यार्थीहरूको पढाइ तथा विदेशमा रहेका आफन्तसँगको सम्पर्कमा ठूलो समस्या परेको थियो। सामाजिक सञ्जालमाथि लगाइएको रोक, बेथिति र अव्यवस्थाको विरोधमा युवा पुस्ताले आन्दोलित भएपछि सरकारले प्रतिबन्ध हटाउन बाध्य भएको हो।...

काठमाडौँ-मौसम पूर्वानुमान महाशाखाका अनुसार हाल मनसुनको न्यून चापीय रेखा पश्चिमतिर सामान्य दक्षिणतर्फ सरिएको छ भने पूर्वतिर सरदर स्थानको आसपास अवस्थित छ। यसको प्रभावले सुदूरपश्चिम प्रदेशलगायत देशका पहाडी भूभागमा सामान्यतया बदली रही बाँकी क्षेत्रमा आंशिक बदली भएको छ। अहिले बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा हल्कादेखि मध्यम वर्षा भइरहेको छ। आज दिउँसो कोशी, मधेस र देशका पहाडी भूभागमा सामान्यतया बदली रहनेछ। कोशी, बागमती र गण्डकी प्रदेशका पहाडी भूभागका केही स्थानमा मध्यमदेखि भारी वर्षा हुन सक्ने सम्भावना छ भने अन्य पहाडी र तराई भूभागका केही स्थानमा मध्यम वर्षा हुने अनुमान गरिएको छ। आज राति पनि देशभर सामान्यतया बदली रहनेछ। कोशी, बागमती र गण्डकी प्रदेशका पहाडी भूभागका केही स्थानमा मध्यम वर्षा र एक–दुई स्थानमा भारी वर्षा हुने पूर्वानुमान गरिएको छ। महाशाखाले भार...

काठमाडौँ- सामाजिक सञ्जालमाथिको प्रतिबन्ध र भ्रष्टाचारविरुद्ध प्रदर्शनमा उत्रिएका ‘जेन जी’ पुस्तामाथि प्रहरीले गोली चलाउँदा कम्तीमा १९ जनाले ज्यान गुमाएका छन् । अस्पतालहरूको विवरणअनुसार काठमाडौंको राष्ट्रिय ट्रमा सेन्टरमा मात्रै ८ जनाको मृत्यु भएको छ । त्यस्तै एभरेस्ट अस्पताल बानेश्वरमा ३, सिभिल अस्पतालमा ३, त्रिवि शिक्षण अस्पतालमा १ र केएमसी अस्पतालमा २ जनाको ज्यान गएको हो । यसैगरी सुनसरीको इटहरीमा गोली लागेर २ जनाको मृत्यु भएको पुष्टि भएको छ । घटनामा परी काठमाडौं र इटहरीका विभिन्न अस्पतालमा ३ सय ४७ जना घाइतेको उपचार भइरहेको छ । गम्भीर घाइतेमध्ये धेरैको टाउको र छातीमा गोली लागेको बताइएको छ । सन् १९९७ देखि २०१२ बीच जन्मेका युवाहरूलाई ‘जेन जी’ पुस्ता भनिन्छ । इन्टरनेट र विश्वव्यापीकरणसँगै हुर्किएको यो पुस्ता लामो समयदेखि सामाजिक सञ्जालमार्फत आन्दोलन गर्दै आएको थियो । सरकारले सामाजिक...

काठमाडौं- आज देशका पहाडी भू–भागमा साधारणतया बदली रही धेरै स्थानमा मध्यम वर्षा पर्ने सम्भावना रहेको छ। तराई भू–भागका केही स्थानमा पनि वर्षा हुने पूर्वानुमान गरिएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार विशेषगरी कोशी र बागमती प्रदेशका पहाडी भू–भागका एक–दुई स्थानमा भारी वर्षाको सम्भावना छ। पछिल्लो १२ घण्टामा कोशी र गण्डकी प्रदेशका केही स्थानमा भारी वर्षा मापन भएको मौसमविद् गोविन्द झाले जानकारी दिए। आज राति पनि कोशी प्रदेशका पहाडी र तराई भू–भागका केही स्थानमा भारी वर्षा हुने सम्भावना रहेको महाशाखाले जनाएको छ। मधेश र बागमती प्रदेशको पहाडी भू–भागका केही स्थानमा र बाँकी पहाड तथा तराई भू–भागका थोरै स्थानमा मध्यम वर्षा हुने पूर्वानुमान गरिएको छ।...

आश्विन कृष्ण प्रतिपदाबाट सुरु हुने सोह्रश्राद्ध अर्थात् पितृ पक्ष आजदेखि विधिवत् आरम्भ भएको छ। नेपाल पञ्चाङ्ग निर्णायक विकास समितिले प्रकाशित पञ्चाङ्गअनुसार पहिलो दिन प्रतिपदा तिथि श्राद्ध गर्नुपर्नेछ। समितिका सदस्य एवं धर्मशास्त्रविद् प्रा.डा. देवमणि भट्टराईका अनुसार प्रतिपदा तिथिको पिण्डदान अपराह्नसम्म सम्पन्न गर्नुपर्ने व्यवस्था छ। आश्विन कृष्ण प्रतिपदादेखि आश्विन शुक्ल तृतीयासम्मका सोह्र तिथिमा दिवंगत पितृलाई सम्मानपूर्वक तर्पण, सिदादान र पिण्डदान गरिने भएकाले यसलाई सोह्रश्राद्ध भनिएको हो। यो समयलाई अपर पक्ष वा प्रेत पक्ष पनि भनिन्छ। वैदिक सनातन हिन्दू परम्पराअनुसार चाडपर्व, यज्ञयागादि वा कुनै ठूलो कार्य अघि दिवंगत पितृप्रति श्रद्धा–भक्ति अर्पण गर्दै सोह्रश्राद्ध गर्ने प्रचलन रहिआएको छ। शास्त्रीय मान्यताअनुसार यस समयमा पितृहरूले सन्तानबाट तर्पणको आशा गर्ने भएकाले सोह्रश्राद्धलाई ...