Breaking News 1

राष्ट्रिय दलित गोलमेच सम्मेलनको चौथो सचिवालय बैठक काठमाडौंमा सम्पन्न भएको छ। बैठकले भीम मलाती विश्वकर्मालाई भारततर्फ केन्द्रीय सचिवालय सदस्य र सुशील ओखेडालाई मूल आयोजक समितिको सदस्यमा मनोनयन गरेको छ। बैठकले गणतन्त्र र धर्मनिरपेक्षताको समर्थन गर्दै दलित समुदायमाथि हुने विभेद अस्वीकार्य रहेको निष्कर्ष निकालेको छ। सम्मेलन २०८२ वैशाख २९-३१ गते काठमाडौंमा आयोजना गर्ने निर्णय भएको छ। प्रदेशस्तरीय भेला तथा अन्तरक्रिया सम्पन्न भइसकेका छन् भने आर्थिक व्यवस्थापनलाई पारदर्शी बनाइनेछ। प्रचार-प्रसारलाई तीव्र बनाउँदै दलित संगठन, अभियन्ता, बुद्धिजीवी, तथा युवाहरूलाई एकताबद्ध हुन आह्वान गरिएको छ। साथै, विभिन्न क्षेत्रका नयाँ सदस्यहरू मूल आयोजक समितिमा थप गरिएको छ। बैठकमा डा. निर्मल विश्वकर्मा, डा. मित्र परियार, राजेश मयाल (अग्निशिखा) लगायत प्रमुख व्यक्तिहरूको उपस्थिति रहेको थियो। सम्मेलनलाई ऐतिहासिक रू...

काठमाडौँ- हाल देशमा पश्चिमी वायु तथा स्थानीय वायुको आंशिक प्रभाव रहेको छ। जसको प्रभावले कोशी, गण्डकी र कर्णाली प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ। आज दिउँसो कोशी प्रदेश, गण्डकी प्रदेश र कर्णाली प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहनेछ । कोशी प्रदेश र गण्डकी प्रदेशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ। राति बागमती प्रदेश, गण्डकी प्रदेश र लुम्बिनी प्रदेशमा आंशिक बदली रही बाँकी भूभागमा आंशिक बदली देखि मौसम मुख्यतया सफा रहनेछ । कोशी प्रदेश र गण्डकी प्रदेशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेकोले यसबाट दैनिक जनजीवन, कृषि, स्वास्थ्य, सडक तथा हवाई यातायातमा आंशिक प्रभाव पर्न सक्ने हुँदा त्यसबाट बच्न आवश्यक सतर्कता अपनाउन महाशाखाले अ...

काठमाडौं- नेपाल आयल निगमले डिजेल, मट्टितेल र हवाई इन्धनको मूल्य घटाएको छ । निगम सञ्चालक समितिको बैठकले आजलेखि लागू हुने गरी डिजेल, मट्टितेलको साविकको खुद्रा बिक्री मूल्यमा प्रतिलिटर दुई रुपैयाँ र हवाई इन्धन (आन्तरिक)तर्फ सात रुपैयाँ र अन्तर्राष्ट्रियतर्फ अमेरिकी डलर ५१ ले घटाएको हो । मूल्य घटेसँगै पहिलो, दोस्रो र तेस्रो वर्गमा डिजेल र मट्टितेल क्रमशः प्रतिलिटर एक सय ४६ रुपैयाँ ५० पैसा, एक सय ४८ रुपैयाँ र एक सय ४९ रुपैयाँ तथा आन्तरिकतर्फको हवाई इन्धन प्रतिलिटर एक सय २५ रुपैयाँ कायम भएको छ । यसैगरी निगमले अन्तरराष्ट्रियतर्फको हवाई इन्धन प्रतिकिलोलिटर काठमाडौँमा अमेरिकी डलर नौ सय ५२, पोखरामा सात सय ८२ र भैरहवामा सात सय ६७ तोकेको छ । इन्डियन आयल कर्पोरेसशनबाट आज प्राप्त नयाँ मूल्यसूचीअनुसार डिजेल, मट्टितेल र हवाई इन्धनको नयाँ खरिद मूल्य घटेर आएकाले स्थानीय बजारमा मूल्य समायोजन गरिएको ...