आज दशैंको चौथो दिन: कुष्माण्डा माताको पुजा आराधना गरिँदै
नेपालीहरूको महान् पर्व बडा दशैंको चौथो दिन आज देशभर शक्तिपीठ, देवी मन्दिर तथा घर–घरका पूजाकोठामा देवी भवानी कुष्माण्डा माताको पूजा आराधना भइरहेको छ।
कुष्माण्डा मातालाई शुभकर्म थालनी र सृष्टिको प्रतीकका रूपमा पूजा गरिन्छ। ग्रन्थअनुसार त्रिविध तापलाई उदरमा धारण गरी संसारको सृष्टि गर्ने शक्तिका रूपमा देवीको आविर्भाव भएको उल्लेख छ। उष्णता र शीतलतालाई सन्तुलनमा राखी सृष्टि सञ्चालन गर्ने क्षमता उनीसंग रहेको मानिन्छ।
शास्त्रमा कुष्माण्डा देवीलाई उष्ण र शीत रक्तसमूहका प्राणीहरूको सृष्टिकर्ता माता भनिएको छ। देवीको वदन वर्ण वैजनी छ भने उनी सिंहमा आरूढ भएकी छन्। उनका हातमा रक्तपूर्ण दुई घडा रहेका छन्।
देवीभागवत् ग्रन्थमा कुष्माण्डा माताले ब्रह्माण्डको सृष्टि गरी पृथ्वी रचनाका लागि सूर्य भगवानलाई तापशक्ति प्रदान गरेको र अन्य ग्रहसहित सम्पूर्ण सौरमण्डलको रचना गरेको उल्लेख छ।
कुष्माण्डाको लौ...
