धनगढी – अहिले भारतमा निकै चर्चा पाइरहेको फिल्म ‘हनुमान’ बिहीबारदेखि धनगढीमा रहेको एसटीएस सिनेमा हलमा रिलिज हुँदैछ । प्रशान्त बर्मा निर्देशित फिल्मले भारतीय बक्स अफिसमा चार दिनमा ५५ करोड भारु कमाएको छ ।
नेपाली वितरण कम्पनी ब्यांकटेश इन्टरटेनमेन्टले यो फिल्मलाई नेपाल ल्याउन लागेको हो । वितरकले नेपालमा फिल्मको कमाइको केही हिस्सा अयोध्याको राममन्दिरमा पठाउने घोषणा गरेका छन् ।
१२ जनवरीदेखि रिलिज भएको फिल्ममा तेजा सज्जाले उत्कृष्ट अभिनय गरेका छन् । यतिबेला उनले चर्चा पाइरहेका छन् ।
भारतीय संचारमाध्यम पत्रिका डटकमका अनुसार ५० करोडमा बनेको फिल्मले चार दिनमा ५५ करोड ८५ लाख कमाएको छ ।
फिल्मले दोस्रो दिन १२ करोड ४५ लाख भारू कमाएको थियो । तेस्रो दिन १६ करोड कमायो भने चौथो दिन यो फिल्मले १५ करोड २ लाख कमाएको छ ।
प्रशान्त वर्माले निर्देशित फिल्ममा तेजा सज्जासँगै अमृता अय्यार, वरलक्ष्मी सरथकुमार, विनय राय, राज दिपक शेट्टीको भूमिका रहेको छ ।
