अमेरिकी राष्ट्रपति डोनाल्ड ट्रम्पले हालै सम्पन्न मध्यावधि निर्वाचनमा रिपब्लिकन पार्टीले व्यहोरेको पराजयलाई अमेरिकाका लागि इतिहासकै ठूलो राजनीतिक प्रतिगमनको संज्ञा दिनुभएको छ।
निर्वाचनमा पार्टीले ठूलो क्षति बेहोरे पनि आगामी दिनमा थप सशक्त भएर फर्किने उहाँको दाबी छ। गत मङ्गलबार सम्पन्न मध्यावधि निर्वाचनमा डेमोक्र्याटिक पार्टीले कंग्रेसका दुवै सदनमा बहुमत हासिल गरेको छ। यससँगै रिपब्लिकन पार्टीले लामो समयदेखि आफ्नो प्रभाव कायम राख्दै आएका राज्यहरूमा समेत ठूलो धक्का व्यहोरेको छ।
सामाजिक सञ्जाल ट्रुथ सोसलमार्फत प्रतिक्रिया दिँदै राष्ट्रपति ट्रम्पले निर्वाचन परिणामले अमेरिकालाई इतिहासकै ठूलो प्रतिगमनतर्फ धकेलेको टिप्पणी गर्नुभएको हो।
पार्टीभित्रै निर्वाचनमा भएको हारको जिम्मेवारी ट्रम्पमाथि थोपर्ने क्रम बढिरहेका बेला उहाँले भने आफ्नो राजनीतिक रणनीतिलाई अझ आक्रामक बनाउने सङ्केत गर्नुभएको छ। एएफपीका अनुसार उहाँले गत शुक्रबार कट्टरपन्थी सल्लाहकार स्टिफन मिलरलाई नयाँ ‘चिफ अफ स्टाफ’ नियुक्त गर्नुभएको थियो।
यता, निर्वाचनमा सफलता हासिल गरेको डेमोक्र्याटिक पार्टीले ट्रम्प प्रशासनका कामकारबाहीमाथि निगरानी बढाउँदै सरकारलाई जवाफदेही बनाउने प्रतिबद्धता जनाएको छ।

