कैलाली- कैलालीको गौरीगङ्गा नगरपालिकाले रसुवा जिल्लाको भोटेकोशी नदीमा आएको बाढी तथा पहिरोबाट प्रभावित नागरिकको उद्धार, राहत तथा पुनर्स्थापनाका लागि ३८ लाख ४ सय ३८ रुपैयाँ सहयोग गर्ने निर्णय गरेको छ।
नगरपालिकाको २०८३ भाद्र १८ गते बसेको कार्यपालिका बैठकले विपद् प्रभावित नागरिकप्रति मानवीय सहयोग तथा ऐक्यबद्धता जनाउँदै उक्त रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो।
भोटेकोशी नदीमा आएको बाढी तथा पहिरोका कारण रसुवा जिल्लामा जनधनको क्षति तथा नागरिक प्रभावित भएपछि उद्धार, राहत र पुनर्स्थापनाका कार्यमा सहयोग पुर्याउ नगरपालिकाले उक्त रकम उपलब्ध गराउने निर्णय गरेको जनाएको छ।
गौरीगङ्गा नगरपालिकाले विपद्को समयमा प्रभावित नागरिकलाई सहयोग गर्नु स्थानीय सरकारको मानवीय दायित्वसमेत भएकाले विपद् पीडितप्रति ऐक्यबद्धता जनाउँदै सहयोग गर्ने निर्णय गरेको हो।
Advertisement
