कैलालीमा महिलामाथि बलात्कार गरेको आरोपमा प्रहरीले एक जनालाई पक्राउ गरेको छ। पक्राउ पर्नेमा भजनी नगरपालिका–७ हिक्मतपुरका २८ वर्षीय सुनिल डगौरा रहेका छन्। जिल्ला प्रहरी कार्यालय कैलालीका अनुसार उनलाई शनिबार पक्राउ गरिएको हो।
प्रहरीका अनुसार डगौरा सापटी लिएको रकम फिर्ता गर्न भन्दै शनिबार राति करिब १० बजे स्थानीय एक महिलाको घर पुगेका थिए। महिलाको आरोपअनुसार उनले घरभित्र प्रवेश गरी कोठा बन्द गरेर जबरजस्ती करणी गरेका हुन्।
घटनापछि प्रहरीले आरोपितलाई नियन्त्रणमा लिई जबरजस्ती करणी सम्बन्धी कसुरमा आवश्यक अनुसन्धान अघि बढाएको जनाएको छ.
