काठमाडौं- प्रधानमन्त्री वालेन्द्र शाहले आज करिब २० देशका राजदूतसँग एकैपटक भेटवार्ता गर्ने भएका छन्। प्रधानमन्त्रीको सचिवालयका अनुसार आज मध्याह्न १२ बजे नेपालमा कार्यरत विभिन्न देशका राजदूतसँग सामूहिक भेटवार्ताको कार्यसूची तय गरिएको छ।
विगतमा प्रधानमन्त्रीहरूले राजदूतहरूलाई छुट्टाछुट्टै भेट्ने अभ्यास रहँदै आएकोमा प्रधानमन्त्री शाहले नयाँ शैलीको सुरुवात गर्न लागेका हुन्। यस किसिमको सामूहिक भेटलाई कूटनीतिक वृत्तमा विशेष चासोका रूपमा हेरिएको छ।
प्रधानमन्त्री तथा मन्त्रिपरिषद्को कार्यालय, सिंहदरबारमा हुने उक्त भेटमा परराष्ट्रमन्त्री शिशिर खनाल, परराष्ट्र सचिव अमृतबहादुर राई, शिष्टाचार महापाल प्रमुख कुमार राई, प्रवक्ता तथा सह–सचिव लोकबहादुर पौडेल क्षेत्री र मुख्य सचिव सुमनराज अर्यालको समेत उपस्थिति रहने जनाइएको छ।
Advertisement
