पेट्रोलियम पदार्थमा भएको मूल्यवृद्धिको विरोधमा राजधानी काठमाडौंमा युवाहरूले प्र’दर्शन गरेका छन्।
राष्ट्रिय जेनजी नागरिक अभियान र कु’शासन विरुद्धको महाअभियानको आयोजनामा भएको उक्त प्रदर्शनमा सहभागीहरूले पेट्रोलको बढ्दो मूल्यले जनजीवनमा गम्भीर असर परेको बताएका छन्। उनीहरूले मूल्यवृद्धिका कारण दैनिक उपभोग्य वस्तुहरू समेत महँगिन सक्ने भन्दै चिन्ता व्यक्त गरे।
प्रदर्शनका क्रममा सहभागीहरूले “महंगीको मार बन्द गर”, “पेट्रोल कर कम गर”, “मूल्य घटाएर जनतालाई राहत देऊ” र “पेट्रोलमा कर खारेज गर” लगायतका नारा लेखिएका प्लेकार्ड प्रदर्शन गरेका थिए।
उनीहरूले पेट्रोलियम पदार्थमा लगाइँदै आएको विभिन्न करहरू खारेज गर्नुपर्ने माग राख्दै मूल्य घटाउन सरकारसँग आग्रह गरेका छन्। प्रदर्शनकारीहरूले सरकारको ध्यानाकर्षण गराउँदै जनतालाई तत्काल राहत दिनुपर्ने बताएका छन्।
आयोजकहरूले मूल्यवृद्धिको निर्णय फिर्ता लिन र दीर्घकालीन रूपमा पेट्रोलियम पदार्थको मूल्य नियन्त्रण गर्न ठोस नीति ल्याउनुपर्ने आवश्यकता औंल्याएका छन्।
