एमाले र रास्वपाका कार्यकर्ताबीच बैतडीमा झडप, दुई जना घाइते

बैतडी- बैतडीमा नेपाल कम्युनिष्ट पार्टी (एमाले) र राष्ट्रिय स्वतन्त्र पार्टी (रास्वपा) का कार्यकर्ताबीच झडप हुँदा एमाले निकट दुई जना घाइते भएका छन्।
चुनावी प्रचारप्रसारका क्रममा घरदैलो कार्यक्रम गर्दै गर्दा डिलासैनी गाउँपालिका- ७ स्थित लेक टोलमा दुई पक्षबीच विवाद भई झडप भएको प्रहरीले जनाएको छ।
जिल्ला प्रहरी कार्यालय बैतडीका प्रवक्ता प्रहरी निरीक्षक सुरज सिंहका अनुसार झडपमा परी एमाले निकट युवा संघका जिल्ला सदस्य जनक धामी र सोही ठाउँका माधव धामी घाइते भएका हुन्।
प्रहरीका अनुसार जनक धामीको टाउको र निधारमा चोट लागेको छ भने माधव धामीको ढाड र दाहिने खुट्टामा चोट लागेको छ। दुवै जनाको गोकुलेश्वर अस्पताल, दार्चुलामा उपचार भइरहेको छ।
घटनासम्बन्धी अनुसन्धानका लागि प्रहरीले रास्वपाका पाँच जना कार्यकर्तालाई नियन्त्रणमा लिएको जनाएको छ। प्रहरीले घटनाबारे थप अनुसन्धान भइरहेको जानकारी दिएको