रमित ओली, हसुलिया- कैलालीको सिमा सुरक्षा बल (बिओपी) खोनपुरले आयोजना गरेको चियापान कार्यक्रम सम्पन्न भएको छ।
कैलारी गाउँपालिकास्थित दसगजा क्षेत्रमा २५ औँ सशस्त्र प्रहरी दिवस २०८२ को अवसरमा आयोजित उक्त कार्यक्रम सम्पन्न भएको हो ।
कार्यक्रममा नेपाल सशस्त्र प्रहरी बलका प्रतिनिधिहरूका साथै भारतीय सिमा सुरक्षा बलका प्रमुखको समेत उपस्थिति रहेको थियो। कार्यक्रममा नेपाल-भारत सिमा क्षेत्रमा शान्ति, सुरक्षा तथा आपसी सहकार्यलाई अझ मजबुत बनाउने विषयमा छलफल गरिएको थियो।
कार्यक्रममा दुवै देशका सुरक्षा निकायबीच आपसी समझदारी, समन्वय र मित्रतापूर्ण सम्बन्धलाई निरन्तरता दिने प्रतिबद्धता व्यक्त गरिएको जनाइएको छ।
