धनगढी- बझाङको बित्थडचिर गाउँपालिकामा सातौँ पालिकास्तरीय राष्ट्रपति रनिङ शिल्ड प्रतियोगिता सुरु भएको छ। वडा नम्बर ९ मा रहेको सुनकुडा माध्यमिक विद्यालयको खेलमैदानमा आज आइतबारदेखि प्रतियोगिता सुरु भएको हो।
“स्वास्थ्यका लागि खेलकुद, राष्ट्रका लागि खेलकुद” भन्ने नाराका साथ सुरु भएको प्रतियोगितामा गाउँपालिका भित्रका ६ वटा माध्यमिक विद्यालयको सहभागिता रहेको वडाध्यक्ष तथा पालिका प्रवक्ता हरिचन्द्र जोशीले जानकारी दिए। प्रतियोगिताअन्तर्गत छात्र–छात्रा भलिबल, कबड्डी तथा एथलेटिक्स लगायतका खेलहरू सञ्चालन भइरहेका छन्।
पालिकास्तरीय प्रतियोगिताबाट छनोट भएका उत्कृष्ट खेलाडीहरूलाई जिल्ला स्तरीय राष्ट्रपति रनिङ शिल्डका लागि सहभागी गराइने गाउँपालिकाले जनाएको छ। उद्घाटन कार्यक्रम गाउँपालिकाका सामाजिक विकास संयोजक तथा वडा नं ७ का अध्यक्ष दिनेश अधिकारीको अध्यक्षतामा भएको कार्यक्रममा प्रमुख अतिथि पालिका उपाध्यक्ष धनलक्ष्मी सिंह मल्लको रहनु भएको थियोे । कार्यक्रममा गाउँपालिका तथा वडाका जनप्रतिनिधि, गाउँपालिका शिक्षा युवा तथा खेलकुद शाखा प्रमुख प्रतिनिधि, राजनीति दलका प्रमुख प्रतिनिधि, अभिभावक शिक्षक लगायत अतिथि रहनुभएको थियोे । प्रतियोगिता निष्पक्ष ढंगले सञ्चालन गर्न, खेलाडीलाई अनुशासित तवरमा खेल्न प्रमुख अतिथि मल्ल आग्रह गर्नुभएको थियोे । त्यस्तै खेल र खेलाडीको सर्वाङ्गीण विकासका लागि पालिका लागिरहेको समेत बताउनुभयो ।
Advertisement
