काठमाण्डौ- सरकारले भदौ २३ र २४ गते भएको प्रदर्शनका क्रममा ज्यान गुमाएकामध्ये ४५ जनालाई राज्यको तर्फबाट शहीद घोषणा गर्ने निर्णय गरेको छ। सोमबार बसेको मन्त्रिपरिषद्को बैठकले यस्तो निर्णय गरेको सञ्चार तथा सूचना प्रविधिमन्त्री तथा सरकारका प्रवक्ता जगदीश खरेलले जानकारी दिए।
उनका अनुसार गृह मन्त्रालयअन्तर्गत रहेको समिति, अन्य सुरक्षा निकाय र जिल्ला प्रशासन कार्यालयबाट प्राप्त अध्ययनका आधारमा ती ४५ जनालाई शहीद घोषणा गरिएको हो। थप व्यक्तिहरूको सम्बन्धमा अध्ययन भइरहेको पनि उनलेे बताए ।
त्यसैगरी, बैठकले वैदेशिक रोजगार न्यायाधिकरणको सदस्यमा सहन्यायाधीवक्ता घनश्याम ओझालाई नियुक्त गर्ने निर्णय गरेको छ।
बैठकले यस्तै “व्यक्तिको छानबिन, सत्य निरूपण तथा मेलमिलाप आयोग सञ्चालन नियमावली, २०८२” स्वीकृत गरेको छ। साथै इलाम जिल्लाका विपद् सङ्कटग्रस्त क्षेत्रहरूलाई सहयोग पुर्याउन पाँच करोड ३० लाख रुपैयाँ विपद् व्यवस्थापन कोषमा जम्मा गर्ने निर्णय पनि भएको प्रवक्ता खरेलले जानकारी दिए।
यी हुन् ४५ जना सहिद
