माइतीघरमा उठछ आक्रोश ।
सडक धड्किन्छ सहर ।।
काँप्छ हजारौं हात एकै साथ उठ्छन ।
अब मौनता छैन अब सहनशीलता छैन।।
अब मात्र परिवर्तनको आवाज ।।।
भ्रष्टाचार हटाउँ इमान जगाउँ ।
सुशासन ल्याएर नयाँ बिहानी बनाउँ ।।
घूस होइन न्यायको गीत गाऊँ ।
कर्तव्य र सत्यको बाटो समाऊँ ।।।
जेन्जीको सपना थियो उज्यालो नेपाल।
जहाँ न होस् अन्याय न होस् बेहाल ।।
तर आज तिनै नाममा
खेलिन्छ राजनीति बन्छ व्यापार ।।।
जेन्जीको आवाज थियो क्रान्तिको चिनारी !
तर अहिले त्यही नाममा हुन्छ सत्ता किनबेच बारी ।।
उनको आत्मा रगतको रेखामा थियो ।
तर अहिले त्यो नाम भाषणको व्यापारमा ढल्कियो ।।।
जनताको हातमा शक्ति बसोस ।
निष्पक्ष नियमले शासन चलोस ।।
आजैबाट बदलौँ सोच !
भोलिको देश हाम्रो हातको रोज ।।
युवाको आँखामा जल्छ सूर्य ।
साहसले खोज्छ नयाँ नेपाल ।।।
आगो र धुवाँले घेरिएको सडकमा ।
पनि उनीहरूले देख्छन भविष्य ।
जहाँ न्याय ढल्दैन जहाँ नेताहरू देशको सेवा गर्दैनन् ।।।।
सडकले बोल्छ अश्रुग्यासले पोल्दा पनि आँसु बगिरहन्छ !
गोलीले छाती छेड़े पनि मनको ढोका बन्द हुन सक्दैन ।।।।
रगतले रंगिएको सडक आज पीडा हो ।
भोलि इतिहास यसलाई बलिदान भनी लेख्नेछ!
ढलेका सपनाहरू भोलिका पर्खाल बन्नेछन ।।।
जेन्जी तिमी अब मौन होइनौ तिमी जागिसकेको छौ!
रगत बीउ हो जसबाट जन्मिनेछ न्यायको वन !!
र त्यो वनमा पातहरूले गाउँनेछन हामी स्वतन्त्र छौं
हामी समान छौं ।।।।
इमान पारदर्शिता र विश्वासको जोश !
त्यहीँ बाटो हो उज्यालो भोलिको कोश ।।
त्यो दिन नेपालको नाम लेखिनेछ सुनौलो अक्षरमा
जनताको साहस जनताको बलिदान र जनताको विजय ।।।
– दिपेश कठायत
उनी जयपृथ्वी नगरपालिका ६ नौरा (कठायतबाडा) बझाङका बासिन्दा हन् ।
हाल संयुक्त राज्य अमेरिकाको केन्टकी राज्य लेक्सिङटन (Lexington) शहरमा छन् ।
कठायत अन्तर्राष्ट्रिय नेपाली समाज (NRNA) संग पनि आबद्ध छन। उनलेे विदेशमा रहँदा नेपाली समुदायको सहयोग र पहिचानका लागि सक्रिय भुमिका खेल्दै आएका छन ।
