बझाङ- बझाङको केदारस्युँ गाउँपालिका २ जुवमा लाग्ने बिर्सती मेला सम्पन्न भएको छ । हरेक वर्ष भाद्र २० गतेदेखि सुरु भएर २१ गतेसम्म चल्ने बिर्सती मेला सनिबार सम्पन्न भएको हो ।
प्राचिन कालदेखि नै मनाइदैँ आएको बिर्सती मेला यस वर्षपनि देवी देउताको पुजा आरधना गर्नुका साथै देउडा खेलेर धुमधामका साथ मनाइएको स्थानीयले जानकारी दिएका छन ।
देवीदेउतालाई नमान्ने सिजापति राजालाई देवीभगवतीले पराजित गरेको उपलक्षमा हरेक वर्ष भाद्र २०गते बिर्सती मेला मनाउने गरेको कालिका देउताका धामी उमेश विक जानकारी दिनुभएको छ । मेलाका विशेष करिया जुव, मरगाउँ, चौडामका स्थानीयवासीलाई मानिन्छ । मेलाको अवसरमा देउडा प्रतियोगिताको आयोजना गरिएको थियो । स्थानीय कला संस्कृतिको जगेर्ना गर्ने उदेश्यले देउडा प्रतियोगिताको आयोजना गरिएको मेला व्यवस्थावन समितिले जनाएको छ । आमन्त्रित देउडीया जयलक्ष्मी खड्का र प्रयागराज उपाध्याय बिच घम्साघम्सी देउडा खेल भएको थियो ।
मेला हेर्नका लागि केदारस्यूँ गाउँपालिका, गाउँपालकिा,बित्थडचिर बुङ्गल नगरपालिका र डोेटीका स्थानीय आउने गरेका छन ।
यस्तै उता छबिसपाथिभेरा गाउँपालिका र दुर्गाथलि गाउँपालिकाको बिच थलिनौबिस बिसौनामा लाग्ने सुदुरपश्चिम प्रदेशकै ऐतिहासिक तथा धार्मीक बिर्सती मेलाको अवसरमा आयोजित भलिबल लगायतका सांस्कृतिक कार्यक्रम सनिबारदेखि सुरु भएका छन। मेलाको अबसरमा खुल्ला पुरुष भलिबल प्रतियोगितामा प्रथम पुरस्कार २ लाख १ हजार नौबिस, द्धितिय पुरस्कार १ लाख नौबिस, तृतिय पुरस्कार ५० हजार नौबिस, सान्त्वना पुरस्कार १० हजार नौबिस रहेको छ, भने महिला तर्फ प्रथमलाई ५१ हजार नौबिस द्धितिय २५ हजार नौबिस तृतिय १२ हजार नौबिस र सान्त्वनालाई ५ हजार नौबिस पुरस्कारको व्यवस्था गरिएको छ ।
पुरुष तर्फ १५ टिम र महिला तर्फ ७ टिम सहभागी छन् । सनिबार पुरुषका २ वटा खेल सम्पन्न भएका छन ।
