धनगढी– इन्डियन प्रिमियर लिग (आईपीएल) क्रिकेटमा कोलकाता नाइट राइडर्सले सनराइजर्स हैदराबादलाई ८० रनको फराकिलो अन्तरले पराजित गरेको छ। यो कोलकाताको दोस्रो जित हो भने हैदराबादले लगातार तेस्रो हार बेहोरेको छ।
इडन गार्डेनमा भएको खेलमा टस हारेर पहिला ब्याटिङ गरेको कोलकाताले निर्धारित २० ओभरमा ६ विकेट गुमाउँदै २०० रनको मजबूत योगफल तयार गर्यो। कोलकाताका भेंन्कटेश अय्यरले सर्वाधिक ६० रन जोडे भने अंगकृश रघुंवशीले अर्धशतकीय योगदान दिँदै ५० रन बनाए।
२०१ रनको लक्ष्य पछ्याएको हैदराबाद १६ ओभर ४ बलमै १२० रनमा अलआउट भयो। हैदराबादका हेनरिक क्यालसेनले ३३ रन बनाए भने कामिन्दु मेन्डिसले २७ रनको योगदान दिए। कोलकाताका बलरहरू वैभव अरोरा र वरुण चक्रवर्तीले उत्कृष्ट प्रदर्शन गर्दै समान तीन-तीन विकेट लिए।
बलिङतर्फ हैदराबादका मोहम्मद शामी, प्याट कमिन्स, जिशन अन्सारी, हर्षल पटेल र कामिन्दु मेन्डिसले समान एक-एक विकेट लिए।
यस जितसँगै कोलकाताले चार खेलबाट चार अंक जोड्दै तालिकाको पाँचौं स्थानमा उक्लिएको छ भने समान खेलबाट दुई अंक रहेको हैदराबाद अन्तिम स्थानमा रहेको छ।
आईपीएलमा आज लखनउ सुपर जायन्ट्स र मुम्बई इन्डियन्स भिड्दै छन्।
