काठमाडौं– तीनकुनको प्रदर्शन स्थलबाट चमत्कारिक रूपमा फरार भएका दुर्गा प्रसाईं चढेको स्कोर्पियो गाडी इटहरीमा फेला परेको छ! बीएबी-४२०८ नम्बरको सो गाडी उपत्यका प्रहरी कार्यालयले नियन्त्रणमा लिएको छ। तर गाडी त भेटियो, प्रसाईं भने फेरी अलप भएका छन्।
गाडी भेटियो, मालिक पनि समातिए, तर चालक र प्रसाईं ‘हराइरहे’
उपत्यका अपराध अनुसन्धान कार्यालयबाट खटिएको टोलीले स्कोर्पियो गाडीका मालिक मुकुन्द दाहाललाई पक्राउ गरेको छ। काँडाघारी निवासी दाहाललाई नियन्त्रणमा लिएर प्रहरीले सोधपुछ गरिरहेको छ।
प्रसाईंलाई झापामा ‘डेलिभर’ गरियो!
अनुसन्धानका क्रममा खुलासा भएअनुसार, तीनकुनेबाट उक्त गाडी ईश्वर विकले चलाएका थिए। विकले प्रसाईंलाई झापा पुर्याएको बयान दिएका छन्। झापाको बिएण्डसी अस्पतालसम्म पु¥याएर उनी हराएको प्रहरीको प्रारम्भिक अनुसन्धानले देखाएको छ।
