धनगढी- जिल्ला प्रशासन कार्यालय कैलालीले मंगलबारदेखि राष्ट्रिय परिचयपत्र वितरण गर्ने भएको छ ।
राष्ट्रिय परिचयपत्रका लागि आवेदन फारम भरेका नागरिकलाई भोलिदेखि जिल्लाका सबै स्थानीय तहबाट उक्त परिचयपत्र वितरण गरिने भएको हो ।
राष्ट्रिय परिचयपत्र वितरण गर्न १३ वटै स्थानीय तहमा टाेली खटाइएको जिल्ला प्रशासन कार्यालयका सूचना अधिकारी शिवराज जाेशीले जानकारी दिए ।
जाेशीकाअनुसार परिचयपत्र लिएर स्थानीय तहमा पुगेका कर्मचारीले भाेलि बुधबारदेखि वितरणकाे काम गर्नेछन् ।
सर्वसाधारणले स्थानीय तहकाे कार्यालय तथा पालिकाले व्यवस्थापन गरेकाे ठाउँमा पुगेर परिचयपत्र प्राप्त गर्नेछन् ।
केही दिनसम्म परिचयपत्र वितरणकाे काम गरिनेछ । साे अवधिमा परिचयपत्र नबुझ्नेकाे कार्ड जिल्ला प्रशासन कार्यालयमै राखिनेछ ।
त्यसपछि सम्बन्धित व्यक्तिले प्रशासन कार्यालयमै पुगेर परिचयपत्र लिनुपर्नेछ ।
