धनगढी- राष्ट्रिय दलित गोलमेच सम्मेलनको कर्णाली प्रदेश स्तरीय अन्तरक्रिया तथा भेला कार्यक्रममा सम्पन्न भएको छ ।
आइतबार कर्णाली प्रदेशको राजधानी वीरेन्द्रनगरमा प्रदेश स्तरीय अन्तरक्रिया तथा भेला कार्यक्रममा सम्पन्न भएको हो ।
दलित एकताका लागि गोलमेच सम्मेलन आयोजना गरिएको जनाइएको छ ।
कार्यक्रममा पूर्व राजदूत डाक्टर निर्मल विश्वकर्मा प्रमुख अतिथि रहनुभएको थियोे । त्यस्तै विशिष्ट अतिथिमा गोलमेच सम्मेलनका प्रवक्ता अग्निसिखा,सुर्खेत जिल्ला समन्वय समितिका प्रमुख गङ्गाराम सुनार रहनुभएको थियोे । यस्तै कार्यक्रममा नेता, प्रतिनिधिहरू कर्मचारी, बुद्धिजीवी पत्रकारको उपस्थिति रहेको जनाइएको छ ।
कार्यक्रमबाट कर्णाली प्रदेश स्तरीय समन्वय समिति गठन गरिएको छ । डम्बर नेपालीको संयोजकत्वमा १७ सदस्यीय समन्वय समिति गठन गरिएको हो ।
