बझाङ- बझाङमा आधारभूत आत्मरक्षा सम्वन्धि एक दिने प्रशिक्षण कार्यक्रम गरिएको छ ।
जिल्लाकाे जयपृथ्वी नगरपालिका- ५ मा रहेको लुयाटा आधारभूत विद्यालय डिलबगरमा आत्मरक्षा सम्वन्धि प्रशिक्षण कार्यक्रम गरिएको हो ।
सनिवार वडा कार्यालय सँगको सहकार्यमा प्रगतिशील युवा र वर्ड भिजनकाे सहयाेगमा एक दिने कार्यक्रम गरिएको जनाइएको छ
उक्त विद्यालयका करिव ६५ जना बढी छात्र छात्रालाई आत्मरक्षा सम्वन्धि तालिम प्रदान गरिएको छ ।
छात्र छात्राहरूलाई आकस्मिक अवस्थाहरूमा आफ्नो सुरक्षाका लागि आवश्यक पर्ने आधारभूत आत्मरक्षा सीपहरू प्रदान गर्नुका साथै उनीहरूलाई शारीरिक रूपमा सक्षम बनाउँदै आत्मविश्वास बढाउने, जसले उनीहरूलाई डरको साटो साहसिक बनाउँ आत्मरक्षा सम्बन्धि तालिम दिइएको हो ।
जयपृथ्वी नगरपालिका- ५ का वडाध्यक्ष प्रेम थापाको अध्यक्षतामा सुरु भएको कार्यक्रमका प्रमुख अतिथि लुयाटा आधारभूत विद्यालयका प्रधानाध्यापक नन्दराज जाेशी,अतिथिमा प्रगतिशील युवा समाजका प्रतिनिधि विनाेद थापा सहित पत्रकार रहेका थिए ।
कार्यक्रमकाे उदेश्य बारे प्रगतिशील युवा समाजका प्रतिनिधि विनाेद थापाले प्रष्ट पार्नु भएको थियाे । प्रधानाध्यापक जाेशीले सबै विद्यार्थीलाई याे राम्रो कुरा भएको भन्दै सिक्न आग्रह गर्नुभएको थियोे । यता अध्यक्ष थापाले प्रगतिशील युवा समाज जिल्लाकै राम्रो संस्था रहेको बताउदै प्रगतिशीलले गरेको याे कार्यक्रम सबै विद्यालयमा हुनु पर्ने भन्दै कठिन परिस्थिति आईपरे कसरी बच्ने भन्ने प्रशिक्षक बाट सिकेर छात्र छात्राहरुले जघन्य अपराध हुने दुर्घटना बाट बच्ने उपाय सिक्न र सबै गाउँघरमा सिकाउन अनुराेध गरिएको थियाे ।
