कञ्चनपुरमा भारतीय कारले दियो अटो रिक्सा र साइकल यात्रुलाई ठक्कर,, २ जना घाइते

धनगढी- कञ्चनपुरमा भारतीय कारको ठक्करबाट २ जना घाइते भएका छन्।
जिल्लाको पूर्व–पश्चिम राजमार्गस्थित सुकासाल चोक नजिकै पूर्वबाट पश्चिम जाँदै गरेको भारतीय नम्बरको युके ०४ए एफ ५९४३ नम्बरको अल्टोकारले शनिबार राति अटो रिक्सा र साइकल यात्रुलाई ठक्कर दिएको हो। दुर्घटनामा अटो चालक भीमदत्त नगरपालिका १० पशुपति टोलका ३५ वर्षीय केशव सुनार र साइकल यात्रुु भीमदत्त नगरपालिका ५ बैजनाथ टोलकीे १५ वर्षीया प्रतिज्ञा लुहार घाईते भएका छन्। कार चालक भीमदत्त नगरपालिका–११ का ५० वर्षीय कमल गुरुङ घाइते भएका छन्।
घाइते लुहार र सुनारलाई थप उपचारका लागि धनगढी रेफर गरिएको प्रहरीले जनाएको छ।