धनगढी – विगत २ वर्षयता विद्यावारिधि गरेका कैलाली बहुमुखी क्याम्पसमा अध्यापनरत ५ जना प्राध्यापक हरुलाई स्वतन्त्र विद्यार्थी युनियन कैलाली बहुमुखी क्याम्पसले सम्मान गरेको छ। एक कार्यक्रमका विच देशकै अग्रणी शैक्षिक संस्था कैलाली बहुमुखी क्याम्पसमा यसवर्ष भर्ना भएका झण्डै २ हजार बढी विद्यार्थीहरुलाई स्वागत गर्दै स्वतन्त्र विद्यार्थी युनियनद्वारा यो दुईवर्षको अवधिमा विद्यावारिधि गरेका कैलाली बहुमुखी क्याम्पसका प्राध्यापक डा. शिवराज जोशी
सह प्राध्यापक डा. शिव प्रसाद सापकोटा सह प्राध्यापक डा. प्रयागराज जोशी उप प्राध्यापक डा. मान बाहादुर जोरा डा. बासुदेव विष्ट डा. नारायणी भट्ट सङ्गै स्वतन्त्र विद्यार्थी युनियनको निर्वाचन २०७९ सम्पन्न गर्न संयोजकको भूमिकामा रहनुभएका सह प्राध्यापक अम्बिकेश्वर प्रसाद जोशीलाई समेत सम्मान गरिएको स्ववियु अध्यक्ष यमराज जोशीले जानकारी दिनुभएको छ। स्वतन्त्र विद्यार्थी युनियन कैलाली बहुमुखी क्याम्पसले विगतदेखि विद्यार्थी, शिक्षक र समग्र क्याम्पसको उन्नतिका निम्ति विभिन्न कार्यक्रम गर्दै आइरहेको छ। वास्तवमा स्ववियुको औचित्य र महत्व के छ भनेर स्ववियु के एम सी ले गरेका गतिविधिहरुले स्पष्ट पार्न खोजेको देखिन्छ।
