धनगढी- बाजुरामा दुई समुह बिच हानाहान हुँदा एकजनाको मृत्यु भएको छ ।
जिल्लाको बुढीगंगा नगरपालिका ८ मोटाबाडामा विहेको निम्तोमा गएका दुई समुह विच दोहोरो हानाहान हुँदा घाईते भएको एक जनाको उपचारका क्रममा मृत्यु भएको हो ।
हानाहान क्रममा घाइते भएका बुढीगंगा नगरपालिका ९ डुग्रीतोलाका अन्दाजी २९ बर्षिया रणबहादुर थापाको मृत्यु भएको जिल्ला प्रहरी कार्यालय बाजुराका सूचना अधिकारी जनक बोहराले जानकारी दिए ।
उनका अनुसार गएराति बिहेको निम्तो खान गएका दुई समुह विच दोहोरो हानाहान भएको थियो । हानाहानका क्रममा थापा घाईते भएका थिए ।
थापाको उपचारको क्रममा अछामको बयालपाटा अस्पतालमा मृत्यु भएको हो ।
हानाहानमा संलग्न बुढीगंगा नगरपालिका ७ वाईलका दिर्घ विष्ट, खेम विष्ट र लोकेन्द्र खड्कालाई प्रहरीले पक्राउ गरेको छ । उनीहरू माथि अनुसन्धान थालिएको बाजुरा प्रहरीले जनाएको छ ।
