बैतडीमा भिरबाट लडेर प्रहरी हवल्दार खडायतको मृत्यु,, घरबाट कार्यालय फर्किरहेका थिए

बैतडीमा घरबाट कार्यालय फर्किरहेका प्रहरी हवल्दारको भिरबाट लडेर मृत्यु भएकाे छ ।
दार्चुलाको शैल्यशिखर नगरपालिका–१ बारिल घरभएका प्रहरी हवल्दार लोकेन्द्र बहादुर खडायतको भिरबाट लडेर मृत्यु भएको हो ।
बैतडीको डिलासैनी गाउँपालिका–३ सिमार प्रहरी चौकीमा कार्यरत प्रहरी हवल्दार खडायत बुधबार साँझ घरबाट कार्यालय फर्किने क्रममा भिरबाट लडेर गम्भीर घाइते भएका थिए।
घाइते अवस्थामा उनलाई तत्काल गोकुलेश्वर अस्पताल पुर्‍याइएको भए पनि चिकित्सकले मृत घोषणा गरेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेले जानकारी दिए ।  मृतक खडायतको शव गोकुलेश्वर अस्पतालमै राखिएको छ।