बझाङ- बझाङको केदारस्युँ गाउँपालिका ५ पाउटाकी एकल महिला कल्पना बोहरालाई आर्थिक रकम र न्यानो बलाङ्केट हस्तान्तरण गरिएको छ । आज वडा कार्यालयमा एक कार्यक्रमका बिच बोहरालाई भवानी एकता समाज ब्याङ्लोरले आर्थिक रकम र वडा कार्यालयले न्यानो बलाङ्केट हस्तान्तरण गरेको हो ।
कल्पनाका श्रीमान मोहन बोहराको गत जेठ ४ गते भीरबाट लडेर मृत्यु भएको थियो । श्रीमान गुमाएको वियोगमा रहेकी कल्पनाको आलो घाउमा मलमपट्टी स्वरुप भवानी एकता समाज ब्याङ्लोका संयोजक गणेश बोहरा लगायतका पदाधिकारीहरुले २८ हजार ५ रुपैया नगद हस्तान्तरण गरेका हुन । त्यस्तै वडा कार्यालयले बढ्दो चिसोलाई ध्यानमा राख्दैै न्यानो बलाङ्केट हस्तान्तरण गरेको वडाध्यक्ष मोहन ठगुन्नाले जानकारी दिए ।
यस अघि पनि वडा कार्यालय मार्फत कल्पनालाई खाद्यान्न सामाग्री सहयोग गरिएको थियो । आर्थिक रुपमा कमजोर रहेकी कल्पनालाई अहिले छोरीहरुको पालनपोषणमा समस्या निम्तिएको छ । घरमा ३ वटा छोरी रहेकी उनलाई अहिले श्रीमान गुमाएपछि थप समस्या निम्तिएको हो । विभिन्न समयमा विभिन्न ठाउँबाट सहयोग पाउँदा खुसी व्यक्त गरेकी छिन् ।
